DUNGU 31
¿Chem am Chau Ngünechen tañi Ngünenel?
Doi manelbalchi dungu ngütramcangelu Biblia mu, Chau Ngünechen tañi Ngünenel. Beichi Ngünenel mu Jehová bempoai chem tañi ayünel tübachi Mapu mu beichi hue deumabilu. ¿Chem am tübachi Ngünenel? ¿Chumngechi quimpoiñ tañi ngüneneuyen? Bantepu mu, ¿chem dungu bemmequi? Ca, ¿chem dungu bempoai cüpalechi antü mu? Tübamu ca epu dungu cüpalelu lloungeai tübachi pu ramtun.
1. ¿Chem am Chau Ngünechen tañi Ngünenel ca iñi lonco ülmencüli?
Jehová elcünoi tübachi Ngünenel huenu mapu mu ca lonco ülmencüli Jesucristo (Mateo 4:17; Juan 18:36). Biblia eipi Jesús “ablaai tañi ngünenel” (Lucas 1:32, 33). Jesús lonco ülmencüli Chau Ngünechen tañi Ngünenel mu, beimu ngünenepoabi itrocom pu che mülelu Mapu mu.
2. ¿Iñi engün am ngüneneai Jesús engu?
Jesús quidulen ngünenelai. Jesús ngüneneai quiñeque che caqueume tuhun nielu engün (Apocalipsis 5:9, 10). Jesús beichi mülepalu Mapu mu bantepu mu, bentren che inanepoeyu. ¿Com tüba engün ngünenepeai mai Jesús engu? Bemlaai, 144.000 che müten amuaingün huenu mapu mu tañi ngünenepoal Jesús engün (papiltunge Apocalipsis 14:1-4). Com caquelu inanequebilu Jesús mülealu Mapu mu, Chau Ngünechen tañi Ngünenel ngüneneayu (Salmo 37:29).
3. Chau Ngünechen ñi Ngünenel, ¿chemu doi cümi pu che ñi ngünenel mu?
Quiñeque che lonco ülmencülelu tübachi Mapu mu ayüquingün ñi cümeque dungu bemal, huelu nielaingün nehuen tañi bempoal. Upalu antü ca che ngünenepoqui, beimu tüba engün hueya chengeabüingün ca cümelcalaabüi tañi pu che. Huelu Jesús iñi no ume hueluconlaayu tañi ngünenepoal Chau Ngünechen tañi Ngünenel mu. Chau Dio elcünoi “quiñe ngünenel apümngelaai” (Daniel 2:44). Jesús ngüneneai com Mapu mu ca ngümintuchelaai (dullintuchelaai). Jesús cüme piuqueyechebengi, norchengi ca cutranpiuquechequi, beimu quimelelabi pu che ñi bemngechi chengeal ngünenetule Mapu (papiltunge Isaías 11:9).
DOI CÜME QUIMNGE
Peaiñ chemu Chau Ngünechen tañi Ngünenel doi cümi pu che ñi ngünenel mu.
4. Chau Ngünechen tañi Ngünenel ngünenepoai com Mapu mu
Jesucristo doi nehuen-ngi ca doi pepicaucüli ñi ngüneneal chem che ume ñi ngünenel tübachi Mapu mu. Papiltoiñ Mateo 28:18. Papiltungele hula ngütramcaabiiñ tübachi ramtun:
-
Jesús, ¿chemu doicüli caque lonco mu?
Pu che ngüneneabüi quiñe mapu mu müten, ca upalu antü ca quiñe che ngüneneabüi. ¿Ca belepi mai Chau Ngünechen tañi Ngünenel? Papiltoiñ Daniel 7:14. Papiltungele hula ngütramcaabiiñ tübachi epu ramtun:
-
Chau Ngünechen ñi Ngünenel apümcangelaai, beimu ¿chemu bente cümelcaaiñmu?
-
¿Chemu bente cüme dungungi tañi ngünenepoal com Mapu mu?
5. Chau Ngünechen tañi Ngünenel hueluntucuai com pu che tañi ngünenel, ¿chemu duambali tüba?
Chau Ngünechen ñi Ngünenel apümcaabi com pu che tañi ngünenel Mapu mu, beimu ¿chemu duambali ñi ngünenepoal pu che mu? Quintulbe tati VIDEO. Quintulngele hula ngütramcaabiiñ tübachi ramtun:
-
¿Chem hueyaque dungu bemquingün pu che ngünenelu?
Papiltoiñ Eclesiastés 8:9. Papiltungele hula ngütramcaabiiñ tübachi ramtun:
-
¿Chemu am raquiduamquimi Chau Ngünechen tañi Ngünenel ñi hueluntucual pu che ñi Ngünenel mu? ¿Chemu bemngechi eipimi?
6. Tati pu ngünenelu Chau Ngünechen tañi Ngünenel mu cutranpiuqueyeiñmu
Taiñ Lonco Ülmen Jesús mongelepalu Mapu mu cüme quimnepobi pu che, beimu “cutranpiuqueyequeiñmu nehuen-ngenoliiñ” (Hebreos 4:15). Jehová ngümintubi (dullibi) 144.000 domüche ca huentru ñi ngünenepoal huenu mapu mu Jesús engu. Beimu tübachi pu norngechi che ‘billque lob mülequi, billque quehun dunguqui, billque mapu ca billque pais mülequi’ (Apocalipsis 5:9).
-
Jesús ca tañi pu compañ quimningün taiñ upaquen ca chumte taiñ cutrancauquen, beimu ¿yabültucupeimu mai tüba? ¿Chemu am?
Jehová ngümintubi quiñeque huentru ca domüche billque tuhun nielu ñi ngüneneal Jesús engu.
7. Chau Ngünechen tañi huercün dungu doi cümi pu che ñi huercün dungu mu
Pu che ñi ngünenel niequingün quiduque tañi huercün dungu tañi quelluabel (incaabel) ca cuñiutucuabel tañi pu che. Chau Ngünechen tañi Ngünenel cabei nii huercün dungu, com tañi pu che ñi inaabel. Papiltoiñ 1 Corintios 6:9-11. Papiltungele hula ngütramcaabiiñ tübachi cüla ramtun:
-
Com pu che inanepobüle Chau Ngünechen tañi huercün dungu, ¿chumcületoiñ? a
-
¿Cümepi mai Jehová tañi eipiabel pu che ñi inanepoal tañi huercün dungu? ¿Chemu bemngechi eipimi?
-
Pu che inanenobilu ume tübachi huercün dungu, ¿chemu quimniiñ cüme elcünotuabüingün tañi mongen? (Pebinge 1 Corintios 6:11).
Pu che ñi ngünenel elcünoqui billque huercün dungu ñi cümelcaabel ca cuñiutucuabel tañi pu che. Chau Dio tañi Ngünenel doi cüme huercün dungu niequi ñi cuñiutucuabel tañi pu che.
QUIÑEQUE CHE EIPIQUI: “Chau Dio tañi Reino yenengequi piuque mu”.
-
¿Chem piabüimi?
CHEM PEIÑ TÜBAMU
Chau Ngünechen tañi Ngünenel müli huenu mapu mu ca ngünenepoai com tati Mapu.
Chem quimeleleiñmu tüba
-
¿Iñi engün am ngünenequi Chau Ngünechen tañi Ngünenel mu?
-
¿Chemu Chau Ngünechen tañi Ngünenel doicüli pu che ñi ngünenel mu?
-
Jehová, ¿chem ayüni ñi bemal pu che ngüneneatu Chau Ngünechen tañi Ngünenel?
DOI QUIMABÜIMI
Quimnge chem quimeli Jesús cheu ñi müleal Chau Dio tañi Ngünenel.
“Chau Dio tañi Reino, ¿yenengequepi mai piuque mu?” (Papiltun internet mu)
Pu dunguquelu iñingen Jehová, ¿chemu doyümquebingün Chau Dio tañi Ngünenel tati pu che ñi ngünenel mu?
Quimnge chem eipili Biblia beichi pu 144.000 che ngünenealu Jesús engu.
Quiñe domüche racümconcülebülu carcel mu, ¿chumngechi quimpoi Chau Dio müten norümabel com dungu Mapu mu?
“Quimpon chumngechi norümngetoi hueyaque dungu” (¡Tami quimabel! noviembre 2011)
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
