DUNGU 05
Chau Dio dungulqueiñmu Biblia mu
Jehová elueiñmu quiñe cüme yehun: trahuli 66 libru Biblia mu. Huelu ramtuabüimi: “¿Cheu tripai Biblia? ¿Iñi mu cüpai?”. Taiñ llohual tübachi pu ramtun ngütramcaaiñ chumngechi acui tübachi cüme dungu, cüpalu Chau Ngünechen mu.
1. Huentru huirintucui Biblia, huelu ¿chemu eipiabüiñ Chau Dio mu cüpai?
Biblia huirintucubi 40 huentru peno, billque cüdau niequebüingün, quiñeque pastor, ülmen huentru ca entuquelu challhua. ¿Chumteñmaingün tañi huirintucubel? 1.600 tripantu. Billque huentru ume huirintucubüi, huelu ca bemngechi quiñeucüli. ¿Chumngechi piabüimi? Biblia cüpalu am Chau Ngünechen mu (papiltunge 1 Tesalonicenses 2:13). Tübachi pu huentru huirintuculai quidu ñi raquiduam engün. Chau Dio ngüyuleyu tañi nehuen mu, tañi dungulal quidu ñi dungu (2 Pedro 1:21). a Bemngechi tübachi pu huentru huirintucubi Chau Dio tañi raquiduam (2 Timoteo 3:16).
2. ¿Com pu che quimpeabüi mai pu cümeque dungu mülelu Biblia mu?
“Billque pais, billque lob, pu che billque quehun dungulu ca billque mapu mülelu” quimpoabüi cümeque dungu mülelu Biblia mu (papiltunge Apocalipsis 14:6). Beimu, Chau Dio ñi duam mu, Biblia ulpadungungi billque quehun dungun mu. Bemngechi Biblia müten doi quehun dungun mu ulpadungungi caque libru mu. Epe com che quimni chem pilen Biblia, cheu ume mülele, chem quehun dungule ume.
3. Jehová, ¿chumngechi cuñiutubi tati Biblia?
Cuibi mu tati Biblia huirintucungi trulque mu, ca caque chemcün mu, huelu bunaquebüi. Beimu quiñeque huentru ca huirintucubi caque chemcün mu, bemngechi petu müli. Pu loncolelu quiñeque mapu mu, ca quiñeque religion mu ayübüingün tañi apümabel Biblia, huelu quiñeque huentru cuñiutubi Biblia, langümngebüle ume engün. Jehová ayüqui ñi dungulatu Biblia mu, iñi ca chem no ume catrütulaabüi. Biblia eipi: “Taiñ Chau Dio ñi dungu abquelai” (Isaías 40:8).
DOI CÜME QUIMNGE
Tañi nehuen mu, Chau Dio ngüyulbi quiñeque huentru tañi huirintucol Biblia. ¿Ca chumi quidu tañi cuñiutuabel ca ñi quimal pu che?
4. Biblia eipi tañi cüpan Chau Dio mu
Quintulbe tati VIDEO. Quintulngele hula papiltoiñ 2 Timoteo 3:16, ca ngütramcaabiiñ tübachi epu ramtun:
-
Huentru huirintucui Biblia, huelu, ¿chemu eipiabüimi Chau Dio mu cüpai?
-
¿Chem raquiduamimi? ¿Chau Dio tuculpi mai quidu tañi raquiduam tübachi pu huentru mu huirintucol?
Quiñe huentru eipiabüi ca huentru tañi huirintucol ñi raquiduam. Ca bemngechi, pu huentru huirintucui Chau Ngünechen tañi raquiduam.
5. Pu huentru ayübüingün ume tañi apümabel tati Biblia, huelu ablai
Biblia am cüpalu Chau Dio mu, beimu quidu cuñiutunebi. Pu loncolelu quiñeque mapu mu ayübingün apümabel Biblia. Cabei quiñeque loncolelu religion mu, ellcabingün tañi papiltunoabel pu che. Huelu mülequebüi quiñeque cuñiutunequebüi, niebüi engün ume caiñe tañi langümabetu. Tami quimabel quiñe huentru cuñiutubilu Biblia, quintulbe tati VIDEO. Quintulngele hula ngütramcaabiiñ tübachi ramtun:
-
Beula quimimi chumngechi cuñiutungen Biblia, ¿doi ayüabüimi tami papiltuabel? ¿Chemu?
Papiltoiñ Salmo 119:97. Papiltungele hula ngütramcaabiiñ tübachi ramtun:
-
¿Chemu alün che ulpadungubi Biblia caque quehun dungun mu ca elubi tati pu che cuñihun-ngebüle ume?
6. Biblia, tübachi libru com che ngealu
Biblia doi ulpadungungi caque libru mu, ca com püle hulngi. Papiltoiñ Hechos 10:34, 35. Papiltungele hula ngütramcaabiiñ tübachi epu ramtun:
-
¿Chemu Chau Dio ayüqui tañi ulpadungungeal billque quehun dungun mu ca com püle hulngeal Biblia?
-
¿Chem ayüquimi Biblia mu?
Epe
com che
Mapu mu
papiltuabüi Biblia
Doi
3.000
quehun dungun mu
müli Biblia
5.000 millon
Alün Biblia müli
Ngelai ca quiñe libru bemngelu
QUIÑEQUE CHE EIPIQUI: “Tati Biblia cuibi librungi, huentru huirintucui”.
-
¿Chem raquiduamimi?
-
¿Chem pengeli Biblia ñi cüpan Chau Dio mu?
CHEM PEIÑ TÜBAMU
Biblia cüpai Chau Dio mu. ‘Com che quimpe Biblia’, pi Chau Dio.
Chem quimeleleiñmu tüba
-
¿Chemu eipiabüiñ Chau Dio ngüyulbi tati pu huentru tañi huirintucobel Biblia?
-
¿Chem quimeleleiñmu tübachi dungu 5, Biblia ñi billque dungu ñi upan?
-
¿Chem raquiduamquimi beula tami quimün mu, chumün Chau Dio tami quimabel Biblia mu?
DOI QUIMABÜIMI
Quimnge chumngechi acui Biblia: bütra cüibi huirintucungebüi ume, cabei bachantü petu papiltungeabüi.
“Chumngechi acui Biblia iñchiñ mu” (¡Tami quimabel!, noviembre 2007)
Biblia nielu ume alünque caiñe apümngelai.
Biblia alün ulpadungungi, huelu hueluntucungelai, ¿chemu maneluhuabüimi?
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
