Jesú wichana rigʉnchunhasʉn
Sábado 12 abril 2025seʼ
Kʉgi zʉnʉkin, a yanaygwi nari, Jeuwá sí gaʼyeyka ɉina Jesú wichana rigʉnchunhʉn ukumʉngwasi ʉnhaníʼkuma ʉwa ni. A yanari: «Nʉʼnrigʉnchunhasi ayeygwi unisi kinki zweykwa ni» (Lucas 22:19).
Ʉnhaniʼkumʉngwaʼba gunʉ meʼsa ukumʉyʉn.
Ema sí migʉnchona awʉn meʼɉúnʉya neyka
Bin zanʉ kindi
Iʼngwi hora nánʉkin.
Bekʉ zanʉngwa no
Jeuwá sí gaʼyeyka ɉinaseʼ aʼzasisa awkwa.
Ʉnhaniʼkumʉyaʼba chona awkwásiri zasanamʉ kawʉnno
Zasanamʉ kauʼ neyka ni.
Ɉwí síkuma awʉnno
Neʼki.
Azi kawi rinhaɉi zoyamʉ kawʉnno
Ingumʉngwi du kawi rinhaɉʉnʉngwa meʼzanamʉ kauʼ nanʉnno, ey ʉweʼki Jeuwá sí gaʼyeyka ɉinari Bibriaseʼ yay, du kawi rinhaɉʉnʉngwa niweʼzʉna ni (1 Timoteo 2:9). Mʉkʉ awʉtari aʼzʉna ʉnkʉchoʼsiri azikíkʉchʉ kawi zweinʉngwa niweʼzanuʼ nanʉnno.
Jesú wicha una neyka rigʉnchunhakumʉngeʼri, azi aniga no
Ipesʉkwásiri, azamaya unáyuri iʼngwi Jeuwá sí gaʼyeyka Niwipáw gwamʉ aʼsisa ʉwa ni. Ey unáyuri, Jesú wicha una neyka ey ʉwameʼ awʉtari aʼzʉna ni awiri Niwipáw awiri Kristu níwizey nari niʼna neyka eméy nari niwikaʼmʉkana ʉwa ni waséykuma ʉwa ni. Aniwísiri, eygwi azamaya ukumiri Niwipáw gwamʉ ʉnkaʼsisa ukumʉya ni.
Ingumʉ́n migʉnchona awʉn meʼɉunʉndi, «¿Por qué los testigos de Jehová celebran la Cena del Señor de forma diferente a otras religiones?» yeyka aʼgwa awkwa.
Bin zanʉngeʼ Jesú wichana Rigʉnchunhakumʉngwa no
2025: sábado 12 abrilseʼ.
2026: jueves 2 abrilseʼ.
Ema miguzʉngwi awiza ni
RIGɄNCHUNHASɄN
Jesukristu wichana neyka rigʉnchunhʉn
Niwisin Jesu wichana ʉnkʉrigʉnchunhʉ mikʉnanʉngwasi míwiʼ ukumʉyʉn aseʼ eyméy kawi awkwa gwaʼnáy kawi. Nʉʼnri eyméy naʼba Jesuseʼ uniʼna awiri a wichanari eymí naʼba nʉkaʼmʉkariza ni meʼzʉn awʉngwa ni.
BIBRIASEʼ INGUMɄ́N WÁSɄYA RIGAWIɄYA
Azi nameʼri Jesukristuri wichʉkwa kʉzʉnʉnno.
Bibriáseʼri Jesú wicha una neyka awʉtari aʼzʉna ni wásʉya ni. A wicha una neykari aʼmʉkana ki unʉnno.