REʼNIKɄYAʼBA 4
Ikʉnusi aʼnoʼka awʉn nusi, inʉ winʉnkʉtáse
Ikʉnusi aʼnoʼka awʉn nusi, inʉ winʉnkʉtáse
Adán awiri Ewa wicha winuyʉn Niwipaw aʼnoʼku nanamʉsin (Génesis 3:6, 23)
Ewari gwiomʉ aʼnoʼkwa uyʉn awiri kʉnzuwa gʉn wiʼna gá awiri tʉkindi Adánse akawa uyʉn.
Ikʉnha eymí winni nari du nanu neyka narin, ʉnkwʉzanika uyʉn. Ey uwame gwʉn Niwipawseʼri wertʉnseʼ pari anawite uyʉn.
Eymi pari sʉmʉ bunigʉmʉ kʉnikʉnpana una ni agʉmʉsinʉ ɉinaseʼ ayeygwi. Tʉkindi achʉna nika awiri ʉnwicha una ni. Ikʉnha wicha uyeʼri bé neki winzweyʼ narin, ʉntikuma zʉʼn una ni.
Wichʉyari kaʼpʉrʉ zʉʼn ʉnnika uwa ni awiri ʉntikuma zʉ’n uwa ni (Génesis 3:19)
Pinna akwʉyari Adán awiri Ewaseʼ pari anakʉn nuga ni. Ey uwame gwʉn ikʉnha tinpari ʉnwichukwa niwikʉniga ni. Ʉnwichana neykari waʼku awiri noʼku gwawa awiri azi neki niku neyka ni (Eclesiastés 9:5, 10).
Jeuwári ikʉ wichuʼ nʉnnari aʼzarín. Ey uwame gwʉn, wichana neykari bín zanugwi ke aʼkusa awʉngwa ni. Ikʉnha Niwipaw aʼnoʼkwa awʉndi aʼkwa winkwʉngwa ni.
