Uriaak Jioba okibọkọ itap ikikup kubọk utop olu nsensi ekiwọp inyi ọmọ usen geelek me uwu mbuban. (Itọn̄ 141:2) Eji ekijeen̄ ibe ke eji mimọnọ mgbaan̄je kiji melek Jioba ibene me mgbọ eji ekikpa ima eji ekaan̄be me lek kan̄ me uriaak, ikitọn̄ ọmọ, ikikpa ufialek kiji mè inu eji eweekbe inyi ọmọ, mè ikibeek ibe ikiban eji. Jioba ikekimun̄ mgbidim uriaak ekiriaak me isi ọgbọ me nkween̄mkpọ ntitiin̄ kubọk inu okukup ufiak me ntọbọ-ebum kiji. Ire, Jioba ikibebele ejit me mgbọ eji ekichili ejit kiji ikigọọk ọmọ ikpa usem ifiin̄ me uriaak eyi lek kiji gaalek.—Urọk 15:8.

IKPỌ FIDIO NKAKISA URIAAK IFIT IFIT, MÈ IFỌỌK IDODO CHI:

• Kpasi irek ikwaan̄ kè Gwun̄ Ute Johnson onwọọn̄ me ikwaan̄ Jioba?

• Ike owa ke Gwun̄ Ute Johnson osa iyaka lek imaan̄ me lek Jioba me uriaak?

• Keke ke okween̄ inan̄a me lek mfufuk Gwun̄ Ute Johnson?