INU NKWEEN̄ 53
Gobo Inu Inwọọn̄ Lek Echi Okineme Jioba
Jioba ire Awaji ogwu okibele ejit. (Timọti Eyi Adasi 1:11) Iweek ibe eji ekebele ejit mè ekenwọọn̄ ugwem. Ikineme ọmọ si eji esikisan̄a mgbọ isibi isa ikitap efuuk. Me inu nkween̄ yi, eji memun̄ ubọk eji ebekisa mgbọ eji ekisa itap efuuk isa irọ mkpọ me oniin̄ obokinyi eji unwọọn̄ mè ujot owot—mè ikirọ inyi Jioba ikibele ejit.
1. Keke ke eji ebekaan̄ me nkeek eji esibegobo inu inwọọn̄-lek?
Keke ke okima irọrọ osikitap efuuk? Usini ene ekima ikukup me ere okukup dii me uwu kiban̄—ikifuk ikpa, ikigban̄ okwa, ikikpọ film, mè iyaka ire ikiwọlọ emen efet. Ebi ofifi ife ekima igọgọọk ebi unene kiban̄—igbaan̄ ije, ikigwọk ugwọk, mè iyaka ire ifit ifit. Inu geelek eji egobobe, igbe ibe eji emun̄ ejaan̄ ibe ke ire eyi “òkineme Okaan̄-ene.” (Ebi Efesọs 5:10) Ikup ufiak ibe eji eriọọn̄ eyi mije, owuwa inu inwọọn̄-lek me chereyi ikijeen̄ inu echi Jioba ochabe, kubọk afa, ugwem barabat, mè iyaka ire igọgọọk ebi ijo ekwukwu irọ mkpọ. (Fuk Okwa Itọn̄ 11:5.) Keke obotap ubọk inyi eji erọ ata ntumu-mfieek ofolek inu inwọọn̄-lek eji ebegobo ni?
Ire eji igobo ebi unene imama Jioba, ema mekọt ikaan̄ ata mgbaan̄ me lek kiji melek inu inwọọn̄-lek eji ebegobo. Ike eji ewuuk lek ikween̄ me inu nkween̄ ge oraraka, “ogwu ògọọk ebi ìriọọn̄ inu ije, môriọọn̄ inu.” Ire, ire eji ikigọọk ebi kpema onineen̄ Jioba, eji menin̄ “me ufialek.”—Urọk 13:20.
2. Keke orọ ikupbe ufiak ibe eji ekekpọ otu ifuk mgbọ eji ekifiat me lek inwọnwọọn̄ lek?
Ikerere ibe ke inu inwọọn̄-lek eji egobobe inwọn, ikup ufiak ibe eji egbala chieen̄ me lek otu ifuk mgbọ eji ekifiat me lek. Mije, ire eji kpegbala chieen̄, eji kpebeyaka ikaan̄ mgbọ isa ikirọ usini inu echi okukup ufiak si. Baibul itap eji efuuk me owot ibe eji ekesa ‘irek geelek eji ekaan̄be esi ata ikwaan̄.’—Fuk Ebi Efesọs 5:15, 16.
KWEEN̄ GBAALEK
Kween̄ ubọk obosa ikirọ ata ntumu-mfieek ofolek inu okisa inwọọn̄ lek.
3. Jit inu inwọọn̄-lek ikanwọnge
Keke orọ eji ebegbala chieen̄ igobo inu inwọọn̄-lek kiji ijaan̄? Fit FIDIO yi, mè igbaan̄ ikpa idodo chi ogọgọọk.
-
Ike owa ke ifit ekifit me Rom ukot ikaan̄ okup kubọk usini inu inwọọn̄-lek me chereyi?
-
Me emen fidio ya, keke ke Danny okween̄ ofolek inu inwọọn̄-lek?
Fuk Ebi Rom 12:9. Mè igbaan̄ ikpa idodo yi:
-
Ike owa ke ere Baibul yi obosa ikaan̄ mgbaan̄ me lek inu inwọọn̄-lek obogobo?
Keke ore usini inu echi Jioba ochabe? Fuk Urọk 6:16, 17 mè Ebi Galesia 5:19-21. Esifuk ere Baibul chi isan̄a, igbaan̄ ikpa idodo yi:
-
Echi owa me lek inu ekpabe me ere Baibul chi ke okimun̄ me emen inu inwọọn̄-lek me chereyi?
Ubọk obosa me iriọọn̄-inu ikigobo inu inwọọn̄-lek
Do lek kwun̄ ibe:
-
Keke? Ire ikaan̄ inu eyi Jioba ochabe ni?
-
Kpa Mgbọ? Ire ikaan̄ mgbaan̄ me lek inu echi ochuchubọk ikup ufiak ni?
-
Ekene? Ire morọ ibe ntaba lek nriaak me lek ebi kpema Jioba mè iyaka ire, ngọọk ema nrọ mkpọ ni?
Igbe ibe eji eda lek ebọkọ me lek mkpọ echi obokọt itap eji unan me lek. Eya orọ, eji eda lek ebọkọ me lek inu inwọọn̄-lek geelek eji ekikeek ibe ke ikanwọn inyi eji
4. Sa mgbọ kwun̄ rọ inu jaan̄
Fit FIDIO yi, mè igbaan̄ ikpa idodo yi ogọgọọk.
-
Ikerere ibe ke gwun̄ ute ejeen̄be me emen fidio ya ikakikpọ inu echi ikanwọnge, ike owa ke ubọk ikisa mgbọ itap-efuuk kan̄ irọ mkpọ osa ikaan̄ mgbaan̄ me lek kan̄?
Fuk Ebi Filipai 1:10, mè igbaan̄ ikpa idodo yi:
-
Ike owa ke ere Baibul yi obokọt itap ubọk inyi eji eriọọn̄ otu ifuk mgbọ eji ebefiat me lek inu inwọọn̄-lek ni?
5. Gobo inu inwọọn̄-lek onwọnwọn
Ikerere ibe ke usini inu inwọọn̄-lek ikakineme Jioba, ikaan̄ owuwa inu inwọọn̄-lek echi eji ebekọt inwọọn̄ echi okineme ọmọ. Fuk Ogwu Etip 8:15 mè Ebi Filipai 4:8, mè igbaan̄ ikpa idodo yi:
-
Kpasi inu inwọọn̄-lek onwọnwọn ke okima?
Owu mokọt ikinwọọn̄ inu inwọọn̄-lek ojajaan̄
USINI ENE EKIBE: “Kpunu inu geege olọlọ me lek inu inwọọn̄-lek okijeen̄ afa, ugwem barabat, mè iyaka ire igọgọọk ijo ekwukwu irọ mkpọ, eyi irebe ibe ke nkagọọk ikirọ mkpọ cha.”
-
Obofọfọọk?
ME MGBIDIM
Jioba iweek ibe eji egobo mè enwọọn̄ inu inwọọn̄-lek echi onwọnwọn.
Idodo
-
Kpasi inu inwọọn̄-lek ke ebi eyi Karais ebejit?
-
Keke orọ eji ebegbala chieen̄ me lek otu ifuk mgbọ eji ekifiat me lek inu inwọọn̄-lek?
-
Keke orọ oweekbe igogobo inu inwọọn̄-lek okineme Jioba?
WEEK
Kween̄ mkpọ ofolek ogwu okakaan̄ akpan ikwaan̄ igogobo inu eji ebekisa inwọọn̄ lek.
“Do Jehovah’s Witnesses Ban Certain Movies, Books, or Songs?” (Web article)
Kween̄ ubọk obosa ikirọ ata ntumu-mfieek ofolek inu obokisa inwọọn̄ lek.
“Is Your Recreation Beneficial?” (The Watchtower, October 15, 2011)
Me ukpatu obe “I Even Overcame My Prejudice,” fuk inu orọrọ inyi ogwu enerieen̄ ge inwene inu ikisa inwọọn̄ lek.
“The Bible Changes Lives” (The Watchtower, February 1, 2010)
Kpọ-nu ike uga ge osabe irọ ata ntumu-mfieek ofolek inu inwọọn̄-lek okijeen̄ mkpọ ofolek ebi ijo ekwukwu.
Jit Inu Inwọọn̄-Lek Okijeen̄ Mkpọ Ofolek Ebi Ijo Ekwukwu (2:02)
