INU NKWEEN̄ 28
Jeen̄ Ibe Ke Onwọọn̄ Inu Jioba mè Jisọs Erọbe Inyi Owu
Ike owa ke ikikup owu me lek mgbọ geelek ogwu unene kwun̄ isinyi owu inyinyi ojajaan̄? Inu ya mokọt ibele owu ejit enenen, omokọt irọ mkpọ si isasa ijeen̄ ibe ke oma inyinyi ya. Jioba mè Jisọs minyi eji inyinyi omimin ichit eji ebekọt ikaan̄. Keke ore inyinyi yi, ike owa ke eji ebesa ijeen̄ ibe ke eji minwọọn̄ inyinyi yi?
1. Keke ore oniin̄ ge eji ebesa ijeen̄ ibe ke eji minwọọn̄ inu Awaji mè Jisọs erọbe inyi eji?
Baibul ichieek use ibe ke “ene geelek òchechieek me lek [Jisọs]” mokọt iluk ire mgbọ geelek. (Jọn 3:16) Ike owa ke eji ebekọt isa irọ eyi? Ikare gaalek itutumu ibe ke eji michieek me lek Jisọs. Eji mekijeen̄ ichechieek kiji inan̄a me lek ntumu-mfieek mè inu eji ekirọ. (Jemis 2:17) Mgbọ geelek eji ejeen̄be ichechieek kiji sa me inu eji ekirọ mè ikitumu, eji ekirọ ibe unene kiji melek Jisọs mè Ogwu Ute, Jioba inye.—Fuk Jọn 14:21.
2. Kpasi orirọ osibi esese obonyi eji irek ijejeen̄ ibe ke eji minwọọn̄ inu Jioba mè Jisọs erọbe inyi eji?
Me ikakwun̄ sabum ikwube, Jisọs itumu inyi ebi udun̄ kan̄ ofifi oniin̄ ema ebesa ijeen̄ ibe ke ema minwọọn̄ ngwugwa kan̄. Itumu inyi ema ibe etitiin̄ mè erọ orirọ osibi esese eyi Baibul ogwenbe ‘Inọrie Ikakwun̄ Okaan̄-Ene,’ eyi eriọọn̄be si kubọk Orirọ Isasa Ikeek Mkpa Kè Jisọs. (Ebi Kọrint Eyi Adasi 11:20) Jisọs irọ orirọ yi ufuna ebi otuchieen̄ kan̄—mè otutuuk ata ebi eyi Karais—ekekeek ibe ke ọmọ isa ugwem kan̄ inyi me ibot kiji. Ofolek orirọ yi, Jisọs inyi ida ibe: “Ìkirọ ikeyi isa ikikeek emi.” (Luk 22:19) Mgbọ geelek ogọọkbe inu orirọ isasa ikeek yi, okijeen̄ ibe ke owu onwọọn̄ ima omimin Jioba mè Jisọs ekaan̄be me lek kiji.
KWEEN̄ GBAALEK
Kween̄ gbaalek ubọk obosa ijeen̄ ibe ke onwọọn̄ ima omimin eyi Jioba mè Jisọs ejeen̄be eji. Kween̄ si ubọk Orirọ Isasa Ikeek Mkpa Kè Jisọs osabe ikup ufiak ire.
3. Keke ke eji eberọ isasa ijeen̄ ibe ke eji minwọọn̄ inu yi?
Keek-nu ibe ke ene ge inyan̄a owu isibi me ubọk mkpa. Ire owu mowuuk inu ya ene ya orọbe inyi owu? Sa ire omorọ mkpọ isasa ijeen̄ ibe ke onwọọn̄ inu ya ni?
Ire Jioba onyan̄a eji. Fuk Jọn Eyi Adasi 4:8-10, mè igbaan̄ ikpa idodo chi:
-
Keke orọ ngwugwa kè Jisọs orebe inyinyi osibi esese?
-
Ike owa ke inu Jioba mè Jisọs erọbe okup owu me lek?
Ike owa ke eji ebesa ijeen̄ ibe ke eji minwọọn̄ inu Jioba mè Jisọs erọbe inyi eji? Fuk Ebi Kọrint Eyi Òso Iba 5:15 mè Jọn Eyi Adasi 4:11; 5:3. Osifuk ere Baibul chi ge ge isan̄a, igbaan̄ ikpa idodo yi:
-
Igọọk me lek ere Baibul yi, keke ke eji ebekọt irọ isasa ijeen̄ ibe ke eji minwọọn̄ inu Jioba mè Jisọs erọbe inyi eji?
4. Gọọk akpat ukot kè Jisọs
Ofifi oniin̄ eji ebesa ijeen̄ ibe ke eji minwọọn̄ inu Jioba mè Jisọs erọbe inyi eji ire ikekigọọk akpat ukot kè Jisọs. Fuk Pita Eyi Adasi 2:21, mè igbaan̄ ikpa idodo yi:
-
Me oniin̄ okukup ke obokọt ikigọọk akpat ukot kè Jisọs ijaan̄ ni?
Jisọs ima Usem Awaji, ilook ata etip Ama Ubọọn̄ mè itap ubọk inyi ebi ene
5. Kisi Orirọ Isasa Ikeek Mkpa Kè Jisọs
Inyi omun̄ mkpọ obọbọkọ irek me adasi Inorie Ikakwun̄ Okaan̄-Ene, fuk Luk 22:14, 19, 20. Mè igbaan̄ ikpa idodo chi:
-
Keke obọkọ irek me Inorie Ikakwun̄ Okaan̄-Ene?
-
Keke ke fituru mè miin̄ okeke ichit chieen̄? Kpọ agba eyi 19 mè 20.
Jisọs iweek ibe ebi udun̄ kan̄ ekerọ orirọ Inorie Ikakwun̄ Okaan̄-Ene mgbọ ge me acha geelek, me usen otatat me lek mkpa kan̄. Eya orọ, Ebi Ata-Ikọ Jioba ekititiin̄ me acha geelek isasa ikeek mkpa kè Jisọs ike inyibe ida ibe ekerọ. Inyi okween̄ mkpọ ofolek orirọ okukup ufiak yi, fit FIDIO yi. Mè igbaan̄ ikpa idodo yi ogọgọọk.
-
Keke okibọkọ irek me Orirọ Isasa Ikeek Mkpa Kè Jisọs?
Fituru mè miin̄ ikeke ichit chieen̄ mkpọ. Fituru ikeke ichit chieen̄ akpalek Jisọs ososo eyi isabe igwa ngwugwa inyi eji. Miin̄ okeke ichit ichieen̄ eje kan̄
USINI ENE EKIBE: “Otutuuk inu oborọ isasa ikaan̄ unyan̄a ire ichechieek me lek Jisọs.”
-
Ike owa ke obokọt isa inu okup me ikpa Jọn 3:16 mè Jemis 2:17 ijeen̄ ibe ke ikare eya gaalek?
ME MGBIDIM
Eji ekijeen̄ ibe ke eji minwọọn̄ mkpọ Jisọs orọbe inyi eji sa me ikekijeen̄ ichechieek me lek kan̄ mè ikekisi Orirọ Isasa Ikeek mkpa kan̄.
Idodo
-
Keke ke ijejeen̄ ichechieek me lek kè Jisọs osibi?
-
Ike owa ke obosa ijeen̄ ibe ke onwọọn̄ mkpọ Jioba mè Jisọs erọbe inyi owu?
-
Keke orọ ikupbe ufiak ibe okosi Orirọ Isasa Ikeek Mkpa Kè Jisọs?
WEEK
Keke ke mkpa kè Jisọs okibieen̄ eji ibe eji erọ?
Kween̄ gbaalek inu ofolek ichechieek mè ubọk eji ebekọt isa ikijeen̄.
“Exercise Your Faith in Jehovah’s Promises” (The Watchtower, October 2016)
Fuk ubọk ugwem ogwu enenwaan̄ ge osabe inwene me mgbọ iriọọn̄be mkpọ mkpa kè Karais osibibe inyi ọmọ.
Fuk inu orọrọ owuwa ene kpekirie Inorie Ikakwun̄ Okaan̄-Ene.
