ግንቦት 21, 2024 | የታደሰው፦ ታኅሣሥ 11, 2024
ሩሲያ

ወቅታዊ መረጃ—ወንድም ተፈረደበት | ለይሖዋ ስም ጥብቅና መቆም ክብር ነው

አጫውት

ወቅታዊ መረጃ—ወንድም ተፈረደበት | ለይሖዋ ስም ጥብቅና መቆም ክብር ነው

ታኅሣሥ 11, 2024 በአልታይ ግዛት የሚገኘው የቢስክ ከተማ ፍርድ ቤት፣ ወንድም ሰርጌ ሉኪን ጥፋተኛ ነው የሚል ብይን አስተላልፏል፤ የአራት ዓመት ከስድስት ወር የገደብ እስራት ተፈርዶበታል። አሁን ወህኒ አይወርድም።

አጭር መግለጫ

ሰርጌ ሉኪን

ትውልድ፦ 1971 (ቢስክ)

ግለ ታሪክ፦ የዓሣ እርባታ አስተዳዳሪ ነው

በ1991 ከየሌና ጋር ተጋቡ። አንድ ወንድና አንዲት ሴት ልጅ እንዲሁም አንዲት የልጅ ልጅ አሏቸው

የሰርጌ እናት በ1998 የይሖዋ ምሥክር ሆነች። መጽሐፍ ቅዱስን እንዲያነብ አበረታታችው። ሰርጌ፣ የአምላክ ቃል እርስ በርሱ መስማማቱ በጣም አስደነቀው። በ2010 ተጠመቀ

የሰጠው ሐሳብ

ያበረታታህ የመጽሐፍ ቅዱስ ጥቅስ የትኛው ነው?

የይሖዋ ምሥክር እንደሆንኩ አካባቢ ፈታኝ ሁኔታዎች አጋጥመውኝ ነበር። ሥራዬን አጣሁ፤ እንዲሁም አንዳንድ የቤተሰቤ አባላት ተቃወሙኝ። በዚያ ወቅት ስሜቴ በጣም ተደቁሶ ነበር። ያን ጊዜ በጣም ያጽናናኝ መዝሙር 118:6 ላይ የሚገኘው “ይሖዋ ከጎኔ ነው፤ አልፈራም። ሰው ምን ሊያደርገኝ ይችላል?” የሚለው ጥቅስ ነው። አሁንም ቢሆን ችግሮች ሲያጋጥሙኝ እነዚህ ቃላት ኃይል ይሰጡኛል። ለምሳሌ፣ ባለሥልጣናቱ ቤቴን ለመፈተሽ ሲመጡና ለምርመራ ሲወስዱኝ ምንም የምፈራበት ምክንያት እንደሌለ አውቄ ነበር። ይሖዋ በአስደናቂ ሁኔታ እንድረጋጋ ረድቶኛል። በኋላ ላይም ልዩ የሆነ ደስታ ተሰማኝ። ሐዋርያቱ ለኢየሱስ ስም ሲሉ በተገረፉበት ወቅት የተሰማቸውን ስሜት ነው ያስታወሰኝ። ለይሖዋ ስም ጥብቅና የመቆም አጋጣሚ ማግኘቴ ትልቅ ክብር እንደሆነ አሁን ይበልጥ ተረድቻለሁ። ለዚህ ክብር የሚመጥን ሰው ሆኜ ለመገኘት የምችለውን ሁሉ ማድረግ እፈልጋለሁ።

ለይሖዋ ያለን ፍቅር ‘ፍርሃትን አውጥቶ እንደሚጥል’ በሚያረጋግጥልን በሰርጌ ምሳሌ ተበረታተናል።—1 ዮሐንስ 4:18

የክሱ ሂደት

ታኅሣሥ 1, 2022

የክስ ፋይል ተከፈተበት
ጥር 25, 2023

መኖሪያ ቤቱና ቢሮው ተፈተሹ። ምርመራ ከተደረገበት በኋላ የጉዞ ክልከላዎች ተጣሉበት
ጥር 25, 2024

ክሱ በፍርድ ቤት መታየት ጀመረ

እነዚህንስ አይተሃቸዋል?

አዳዲስ ዜናዎች

በእምነታቸው ምክንያት የታሰሩ—ሩሲያ

በሩሲያ የሚኖሩ የይሖዋ ምሥክሮች በእምነታቸው ምክንያት ታስረዋል። ስለ እነዚህ የይሖዋ ምሥክሮች እንድታነብ እንጋብዝሃለን፤ በአሁኑ ወቅት እስር ቤት ያሉትን የይሖዋ ምሥክሮች ስም ዝርዝር የያዘውን ፋይልም ማተም ትችላለህ።

አዳዲስ ዜናዎች