Иисус Христос јерде јӱрерде, улусты тыҥ сӱӱп турганын кӧргӱскен. Ол керек дезе улус учун јӱрӱмин де берген (Матфей 20:28; Иоанн 15:13). Бӱгӱнги кӱнде Иисус теҥеридеги башкаруныҥ — Кудайдыҥ Каандыгыныҥ Кааны болот. Удабас ол бойыныҥ сӱӱжин база катап кӧргӱзер: бастыра јердиҥ ӱстиндеги јуу-согуштарды токтодып салар (Сарын 46:9).

 Иисустыҥ нени эдери Агару Бичикте айдылып калган:

•   «Ол болуш сурап турган јокту-јойу улусты, базындыргандарды ла болужар кижизи јок улустыҥ ончозын аргадаар. Ол јоксырап калган ла базынчыкта јӱрген улусты карамдаар, јокту-јойу јӱргендерди аргадаар. Ол олорды кыспактадарынаҥ ла базыныштаҥ јайымдаар» (Сарын 72:12—14).

 Иисус бис учун јӱрӱмин берген, а удабас биске оноҥ до ӧскӧ немелер эдер. Ӱзе бу неме учун бис ого быйанысты канайып кӧргӱзерис? Лука 22:19-та айдылганыла, Иисус ӱренчиктерине оныҥ ӧлӱминиҥ кӱнин ӧткӱрзин деп јакарган. Оныҥ учун Иегованыҥ Керечилери кажы ла јыл Иисус Христостыҥ ӧлӱминиҥ Эҥирине јуулыжат. 2024 јылда бу Эҥир тулаан айдыҥ 24-чи кӱнинде ӧдӧр. Бис слерди бу јаан учурлу туштажубыска кычырып турубыс.

Кайраканныҥ Эҥири кайда болор