1. Сӱӱштиҥ чын јолын Иегова ачып јат,

Ол биске тем берет.

Ончо иштерин сӱӱжи башкарып јат,

Ол бистерге јол кӧргӱзет.

Кинчектеристеҥ бисти арутаарга,

Сӱӱген Ол Уулын бир де кысканбаган.

Кандый улу сӱӱш, улус, сананзаар да!

Кудай — ол сӱӱш, Оныҥ јолы — сӱӱш!

2. Сӱӱштиҥ јолында сӱӱжис бой-бойысты

Јылытсын, тыҥытсын.

Јаанду-јаштуга, ончо најыларга

Болужарга ол кӱӱнзетсин.

Чыннаҥ болгон сӱӱш улус ылгабай јат,

Кемди де ол сӱӱп, кемди де кыйбай јат.

Уур буудактарга најыс табартса да,

Кӧс јумбайдыс, је болужадыс.

3. Кӱнӱҥ ле сайын сӱӱжис тыҥыдадыс,

Бис бирлик, биледий.

Сӱӱжис, сӱӱнчибис бисти апарады

Чын јӱрӱмге, ӱргӱлјикке.

Сӧзи Кудайдыҥ бисти арутап јат,

Тыны Кудайдыҥ бисте амырап јат,

Карындаштарыс биске кӧргӱзип јат:

Кудай јолын, сӱӱштиҥ бу јолын.