Бӱгӱнги кӱнде јетирӱ јердиҥ ӱстиле газеттер, радио, телевидение ле интернет ажыра сӱрекей тӱрген таркадыла берер аргалу. Чындык Кудайга иштеп тургандар тӧгӱнди таркадарында, керек дезе билбей де калып, турушпаска јадылар (Ср 31:5; Чг 23:1). Шиҥделбеген јетирӱни ӧскӧ кижиге айтканы јаан каршу јетирер аргалу. Јетирӱ чын ба деп бӱдӱмјиленерге бойыҥнаҥ сура:

• «Бӱдӱмјилӱ јердеҥ алынган ба?» Куучындап турган кижи ончо немени билбес болордоҥ айабас. Јетирӱ оостоҥ ооско кӧчӱп турза, ол тӱҥей ле солынып калат. Оныҥ учун болгон учурал кижиниҥ бойыла колбулу эмес болзо, мындый јетирӱге ајарыҥкай болор керек. Анчада ла јуунда молјуларлу акаларга сергек болор керек, нениҥ учун дезе ака-эјелер олорго бӱдӱп јадылар.

• «Јетирӱ јабарлаш эмес пе?» Та кем де керегинде јетирӱ јаман болзо, мындый јетирӱни таркатпас керек (Ук 18:8; Фп 4:8).

• «Бу солун чын јетирӱге тӱҥей бе?» Улусты тыҥ кайкаткадый јетирӱлерге ле куучындарга бӱдерге меҥдебе.

«КОПТОРДЫ КАНАЙЫП ТОКТОДОР?» ДЕГЕН ФЛОМАСТЕРНЫЙ АНИМАЦИЯНЫ КӦРӦЛӦ, БУ СУРАКТАРГА КАРУУ БЕР:

• 

  Укаа сӧстӧр 12:18-ле болзо, сӧстӧр кандый ийде-кӱчтӱ болот?

• 

  Ӧскӧ улус керегинде куучындап турзаас, Филиппыдагыларга 2:4-ги принцип биске канайып болужар?

• 

  Ӧскӧ улусты шоодып, јамандап турза нени эдер керек?

• 

  Та кем де керегинде айдардаҥ озо, бойынаҥ нени сураар керек?