Иисус: «Тегин алдыгар, тегин беригер» — деп ӱреткен (Мф 10:8). Бис бу јарт јакару аайынча Агару Бичик ле ого тайанган бичиктер учун улустаҥ акча албай јадыс (2Кр 2:17). Је бистиҥ бичиктерде Кудайдыҥ Сӧзинеҥ алынган баалу чындыктар бар деп, ундыбас керек. Аудио, видео ло оноҥ до ӧскӧ материалдарды белетеерге, јаан иш эдилет ле кӧп чыгым чыгат.

Кижиге электронный бӱдӱмдӱ материалды берерге турзаар, ӧткӱн болугар (Мф 7:6). Кижиле куучындажып тура, јилбиркеп турган ба деп билерге албадан. Рамкадагы берилген сурактардыҥ бир-бирӱзине чике каруу берип болороор бо? Кижи јилбиркеп турган ба, јок по деп билбей турзаар, ого нени-нени таштап берерге албаданбас керек. Је кижи бистеҥ брошюраны эмезе оноҥ до ӧскӧ бичикти сураза, белен таштап берерис (Ука 3:27, 28).