Агару Бичикти шиҥдеердеҥ озо, бойыгардаҥ сурагар: «Мен оны неге керектӱ эдип тургам?» Је Иегова слерге јаҥы неме ачып берер аргалу. Оныҥ учун белен болугар. Слерге не болужар?

Кудайдаҥ ойгор сурагар. Иегованаҥ ол слерге эмди ле нени ачарга турганын кӧрӧргӧ болуш сурагар (Иак. 1:5). Тема таныш болзо, слер оны ӱзе билерим деп сананбагар (Укаа 3:5, 6).

Агару Бичик сӱреен јаан ийделӱ деп ундыбагар. «Кудайдыҥ Сӧзи тирӱ», (ЈТ) (Евр. 4:12). Оныҥ учун оны кычырган сайын бис јаҥы неме билип алар аргалу, анайда ок ол биске кандый ла айалгаларда болужар аргалу. Је биске билип алганысты тузаланарга белен болор керек.

Иегованыҥ столындагы курсактыҥ ончозын баалагар. Кудайдыҥ берип турган кӧгӱс курсак-тамагы «эҥ артык курсакту јыргалга» тӱҥей (Иса. 25:6). Оныҥ учун кезик темалар биске «амтан да јок» деп билдирип турза, тӱҥей ле «јигер». Олор слерге туза да, сӱӱнчи де берер!