Јӱрӱм — кӧп кайкамчылу аргалар ачып турган сый болуп јат. Бисте кӧп уур-кӱчтер де болуп турган болзо, је сӱӱнетен шылтактар тӱҥей ле бар. Јӱрӱмди баалап турганысты канайып кӧргӱзерис? Бу сыйды баалап турганыстыҥ эҥ јаан шылтагы кандый?

1. Јӱрӱмди нениҥ учун баалар керек?

Јӱрӱмди баалаар керек, нениҥ учун дезе ол теҥеридеги сӱӱштӱ Иегова Адабыстыҥ сыйы болуп јат. Ол — «јӱрӱмниҥ башталганы», ӧскӧртӧ айтса ол ончо тынар-тындуны јайаган (Сарын 36:9). Кудай «ончозына јӱрӱм де, тыныш та, бастыра немени берет» (Апостолдордыҥ ижи 17:25, 28). Анайда ок Иегова бисти јӱрӱмле јакшызынып јӱрзин деп, биске јӱрӱмге керектӱ ончо немени берип јат. (Апостолдордыҥ ижи 14:17 кычырыгар.)

2. Јӱрӱм учун быйанду болгонысты бис канайып кӧргӱзерис?

Слердиҥ јӱрӱмеер энегердиҥ ичинде табыларда ла Иегова слерди сӱӱп баштаган. Кудайдыҥ ишчизи Давид Иеговага мынайып айткан: «Сениҥ кӧстӧриҥ энемниҥ ичинде табылганымды кӧргӧн» (Сарын 139:16). Иегова слердиҥ јӱрӱмигерди сӱреен тыҥ баалап јат. (Матфей 10:29—31 кычырыгар.) Је та кем де кижини ӧлтӱрип салза эмезе бойына кол салынза, Иеговага коркышту ачу болот (Чыгыш 20:13) a. Анайда ок кижи ӧскӧ улустыҥ ла бойыныҥ јӱрӱмин јеткерлӱ айалгага тургузып турза, ого база ачу болот. Је бис бойыстыҥ ла ӧскӧ улустыҥ јӱрӱмин кичееп турзаас, Иегованыҥ бу кайкамчылу сыйын баалап турганысты кӧргӱзип јадыс.

 ТЕРЕҤЖИДЕ КӦРӰГЕР

3. Су-кадыгарды кичеегер

Чӧҥӱрилип калган кижи јӱрӱминиҥ кажы ла јанында Иегованыҥ кӧрӱмин ајаруга алат. Ол бойыныҥ эди-канын ого тайылгага бергендий болот, анайып оныҥ эди-каны Кудайдыҥ болуп калат. Римдегилерге 12:1, 2 кычырып, сурактарды шӱӱжип ийигер:

• Су-кадыгарды кичеерге слерди не кӱӱнзедер учурлу?

• Слер мыны канайып эдер аргалу?

 5. Чыккалак баланыҥ јӱрӱмин баалагар

Давид поэтический тилле Иегова чыккалак баланыҥ јӱрӱмин кӧрӱп турган деп айткан. Сарын 139:13—17 кычырып, суракты шӱӱжип ийигер:

• Иегованыҥ кӧрӱмиле болзо, кижиниҥ јӱрӱми качан башталат: табылганынаҥ ала ба эмезе чыкканынаҥ ба?

Јебрен Израильде Иегованыҥ јасактары энезин ле оныҥ чыкпаган балазын корулаган. Чыгыш 21:22, 23 кычырып, сурактарды шӱӱжип ийигер:

• Чыкпаган баланыҥ јӱрӱмин билбей калала ӱзӱп ийген кижиге Иегованыҥ кӧрӱми кандый болгон?

• Та кем де чыкпаган баланыҥ јӱрӱмин биле тура ӱзӱп салган болзо, Иегова нени сезет? b

• Иегованыҥ мындый кӧрӱми керегинде слер нени сананадаар?

ВИДЕОНЫ кӧрӱгер.

Кезикте јӱрӱмди баалап та турган ӱй кижи, аборт — оныҥ кӱч айалгазыныҥ аайына чыгатан сок јаҥыс эп-арга деп сананар болор. Исайя 41:10 кычырып, суракты шӱӱжип ийигер:

• Ӱй кижини аборт этсин деп албадап турза, ол болуш сурап, кемге баштанар учурлу? Нениҥ учун?

 ТӦС ШӰӰЛТЕЗИ

Иегова оныҥ сыйын — јӱрӱмди — сӱӱп, баалап, чеберлеп јӱрзин деп ӱредет. Бого бойыстыҥ да, ӧскӧ дӧ улустыҥ јӱрӱми кирет.

Нени билип алдыгар?

• Иегова улустыҥ јӱрӱмин нениҥ учун баалап јат?

• Та кем де биле тура кижи ӧлтӱрген болзо, Иегова нени сезет?

• Слер јӱрӱмди нениҥ учун баалап јадыгар?