1. Кудай улусты кандый амадулу јайаган?

КУДАЙДА улуска сӱреен јакшы амаду болгон. Ол баштапкы эр ле ӱй кижини, Адам ла Еваны, јайап, олорды јараш садта јатыргызып салган. Кудай улусты балдар чыгарзын, јердиҥ ӱстин рай этсин ле тындуларды кичеезин деп кӱӱнзеген (Башталганы 1:28; 2:8, 9, 15; 6 Кожултаны кӧрӱгер).

2. а) Кудай амадузын кыйалта јогынаҥ бӱдӱрип салар деп, бис кайдаҥ билерис? б) Агару Бичик ӱргӱлји јӱрӱм керегинде нени айдат?

² Слер канайып сананадаар, улус ойто райда јадар ба? Иегова: «Мен амадаганымды бӱдӱрип саларым» — деп, сӧзин берет (Исаия 46:9—11; 55:11). Ол бу амадузын кыйалта јогынаҥ бӱдӱрип салар — оны кем де, не де токтодып болбос. Иегова «[јерди] тегиндӱ јайабаган», айдарда, ол оны чокум амадулу јайаган (Исаия 45:18). Кудай јердиҥ ӱстинде улус јӱрзин деп кӱӱнзеген. Је Кудай јердиҥ ӱстинде кандый улусты јӱрзин деп кӱӱнзеп јат ла олор канча кире јӱрер учурлу? Агару Бичик каруузын берип јат: «Чындык улус [эмезе Кудайга сӧсуккур] јерди энчиленип, ӱргӱлјиге анда јадар» (Сарын 37:29; Ачылта 21:3, 4).

3. Кудайдыҥ амадузыныҥ бӱтпегенин кӧрӱп, бисте кандый сурак чыгат?

³ Је бӱгӱн улус оорып ла божоп јадылар, јуулажып, бой-бойын ӧлтӱредилер. Кудай јӱрӱм мындый болзын деп кӱӱнзебеген. Айдарда, не боло берген? Нениҥ учун Кудайдыҥ амадузы бӱтпеген? Јӱк ле Агару Бичик каруузын берер аргалу.

4, 5. а) Евала јылан ажыра кем куучындашкан? б) Кижи канайып уурчы болуп калат?

⁴ Кудайда ӧштӱ бар. Агару Бичикте ол «Дьявол ло Сатана» деп адалган. Бир катап Эдем садта Сатана Евала јылан ажыра куучындашкан (Ачылта 12:9; Башталганы 3:1). Сатана јылан куучындангандый билдирзин деп эдип ийген, је чынынча ол бойы куучындаган. (7 Кожултаны кӧрӱгер.)

⁵ Сатана Дьявол кайдаҥ келген? Оны Кудай јайаган болор бо? Јок! Озо баштап ол ангел болгон, је оноҥ јаманга јайылып, Дьявол болуп калган (Иов 38:4, 7). Бу канайып болгон? Мындый тем кӧрӱп ийектер. Кижи энедеҥ уурчы болуп чыкпай јат, је кандый да ӧйдӧ кижи ӧскӧ кижиниҥ немезин аларга кӱӱнзей берердеҥ айабас. Ол мындый кӱӱнин токтотпой, оноҥ ло ары сананып турза, оныҥ јастыра кӱӱни там ла тыҥып барат. Соондо эптӱ арга келиже ле берзе, ол ӧскӧ кижиниҥ немезин уурдап алат. Анайып ол уурчы болуп калат. Оны уурчы болзын деп, кем де албадабаган. (Иаков 1:13—15 кычырыгар; 8 Кожултаны кӧрӱгер.)

6. Ангелдердиҥ бирӱзи канайып Кудайдыҥ ӧштӱзи болуп калган?

⁶ Андый ла неме Сатана Дьяволло болуп калган. Иегова Адам ла Еваны јайап, олорго балдар чыгарзын деп јакару берерде, бу ангел: «Ончо улус Иеговага эмес, а меге бажырзын!» — деп сананган (Башталганы 1:27, 28). Сатана бу керегинде кӧп сананып турарда, оныҥ кӱӱни там ла тыҥыган. Анайып улус ого бажырзын деп, Иегованыҥ јаҥын бойына аларга кӱӱнзей берген. Оныҥ учун Евала куучындажып, оны тӧгӱндеп ийген. (Башталганы 3:1—5 кычырыгар.) Мынаҥ улам, ол ангел Кудайдыҥ ӧштӱзи — Сатана Дьявол болуп калган.

7. а) Адам ла Ева нениҥ учун божоп калган? б) Бис нениҥ учун карыйдыс ла божойдыс?

 ⁷ Адам ла Ева Кудайдыҥ сӧзин укпай, јарабас јиилекти јиген (Башталганы 2:17; 3:6). Мынайып олор кинчек эдип, канча да ӧйдиҥ бажында, Иегованыҥ айтканыла, божоп калган (Башталганы 3:17—19). Олордыҥ балдары кинчектӱ чыгып, база божоп калган. (Римдегилерге 5:12 кычырыгар.) Адам ла Еваныҥ балдары нениҥ учун кинчектӱ чыкканын оҥдоорго болужатан бир тем кӧрӱп ийектер. Сананып ийзеер де, слер кабырылып калган темир айакка калаш быжырып јадыгар. Бышкан калаш база кабырылып калган болор. Анайып Адам Кудайды укпай салала, кинчектӱ болуп калган. Бис ончобыс Адамныҥ калдыктары болуп турарыста, андый ла ок «кабырылыкту», ол эмезе кинчектӱ, чыгадыс. Оныҥ учун бис ончобыс карыйдыс ла божойдыс (Римдегилерге 3:23; 9 Кожултаны кӧрӱгер).

8, 9. а) Сатана Адам ла Еваны неде алаҥзыткан? б) Иегова тӱймеечилерди нениҥ учун тургуза ла јоголтпогон?

⁸ Сатана Адам ла Еваны кинчекке ийде салып, чынынча айтса, Иеговага удура тӱймеен кӧдӱрген. Ол Адам ла Еваны, Иегова олорго ырысту болорго бербей турган тӧгӱнчи ле јаман башкараачы деп, бӱдӱмјилеерге кӱӱнзеген. Сатана улусты Кудай да јогынаҥ јӱрӱп болор ло јакшыны ла јаманды бойлоры ылгаар аргалу деп айткан. Иегова мыны кӧрӱп, нени эдер учурлу болгон? Ол тӱймеечилерди јоголтып, тӱймеенди токтодып салар аргалу болгон. Је токтодып салган болзо, Сатана тӧгӱнчи деп кӧрӱнер беди? Јок.

⁹ Иегова тӱймеечилерди тургуза ла јоголтпогон. Ол оныҥ ордына улуска алдынаҥ бойы башкарынзын деп ӧй берген. Анайып, улус јӱк ле Кудайдыҥ башкарузында ырысту болор аргалу ла Сатана тӧгӱнчи деп, ончозына  јарт боло берер эди. Бу керегинде 11-чи бажалыкта кӧптӧдӧ јарталар. Адам ла Ева чын талдаш эткен бе, слер канайып сананадаар? Олордо Кудайды укпай, Сатанага бӱдетен тӧзӧлгӧ болгон бо? Иегова Адам ла Евага ӱзе немени берген: сӱреен јакшы јӱрӱм сыйлаган ла јилбилӱ иш  берген. А Сатана олорго нени де бербеген. Слер олордыҥ ордына болгон болзоор, кандый талдаш эдер эдигер?

10. Бистиҥ кажыбыска ла кандый талдаш эдер керек?

¹⁰ Бӱгӱнги кӱнде бистиҥ кажыбыска ла мындый талдаш эдер керек. Бистиҥ јӱрӱмис нени талдап аларыстаҥ камаанду. Бис Кудайды бойыстыҥ башкараачыбыс деп талдап, ого багынзаас, Сатананы тӧгӱнчи деп кӧргӱзер аргалу. Эмезе Сатананы бойыстыҥ башкараачыбыс деп талдап алар аргалу (Сарын 73:28; Укаа сӧстӧр 27:11 кычырыгар). Бӱгӱн Кудайга ас улус багынат. Анайда ок телекейле Кудай башкарбай јат. Айдарда, телекейдиҥ башкараачызы кем?

11, 12. а) Сатананыҥ телекейдеги ончо каандыктарды Иисуска берерге умзанганынаҥ бис нени билип аладыс? б) Сатана телекейле башкарып турган деп, Агару Бичик канайып кӧргӱзет?

¹¹ Иисус Христос телекейле кем башкарып турганын билген. Бир катап Сатана ого «телекейдиҥ ончо каандыктарын ла олордыҥ магын» кӧргӱзип, айткан: «Меге кӧҥкӧрӧ тӱжӱп бажырар болзоҥ, мыныҥ ончозын Сеге берерим» (Матфей 4:8, 9; Лука 4:5, 6). Бастыра телекейдиҥ каандыктары Сатананыҥ колында болбогон болзо, ол олорды Иисуска берерге умзанар беди? Јок эмей. Айдарда, ончо башкарулар Сатананыҥ колында.

¹² «Иегова — ӱзе немениҥ Јайаачызы болордо, Сатанада телекейле башкарар арга бар ба?» — деп, слер сураар болороор (Ачылта 4:11). Эйе, ӱзе немени Кудай јайаган, је Иисус «телекейдиҥ кааны» — Сатана деп, чике айткан (Иоанн 12:31; 14:30; 16:11). Элчи Павел Сатана Дьяволды «бу чактыҥ кудайы» деп айткан (2 Коринфтегилерге 4:3, 4). А элчи Иоанн «телекей дезе бӱткӱлинче јаманныҥ [Сатананыҥ] табында» деп бичиген (1 Иоанн 5:19).

13. Биске нениҥ учун јаҥы телекей керек?

¹³ Телекейдеги айалга кажы ла кӱн там ла там коомойтып барат. Јуу-согуш ла базыныш, тӧгӱндеш ле экијӱстениш бистиҥ јӱрӱмисти кӱч эдет. Улус канайып та албаданза, бу уур-кӱчтердиҥ аайы-бажына чыгар аргазы јок. Је удабас ла Кудай бу калју телекейди Армагеддон јууда јоголтып, оныҥ ордына јаҥы, чындык телекей тӧзӧӧр (Ачылта 16:14—16; 10 Кожултаны кӧрӱгер).

14. Иегова бойыныҥ Каандыгыныҥ Кааны эдип кемди кӧстӧгӧн? Агару Бичик ол керегинде нени судурлаган?

¹⁴ Иегова Каандыгыныҥ, ол эмезе теҥеридеги башкарузыныҥ, Кааны эдип Иисус Христосты кӧстӧгӧн лӧ оныҥ башкарузы јажын-чакка болор деп судурлаган (Лука 1:32, 33). «Каандыгыҥ Сениҥ келзин. Канайып теҥериде, анайып јерде де табыҥ Сениҥ болзын» — деп, Иисус бойыныҥ ӱренчиктерин мӱргӱӱрге ӱредип турарда, шак ла бу башкару керегинде айткан (Матфей 6:10). Кудайдыҥ Каандыгы бастыра телекейдиҥ башкаруларын јоголторы керегинде бу бичиктиҥ 8-чи бажалыгынаҥ билип аларыс. (Даниил 2:44 кычырыгар.) Мыныҥ кийнинде Каандыктыҥ башкарузы јерди рай эдип салар. (11 Кожултаны кӧрӱгер.)

15. «Јаҥы јер» дегени ол не?

¹⁵ Агару Бичикте Кудайдыҥ берген мындый сӧзи бичилген: «Чындык бар јаҥы теҥерини ле јаҥы јерди сакып јадыбыс» (2 Петр 3:13; Исаия 65:17). Агару Бичикте кезикте «јер» деген сӧс анда јаткан улусты темдектейт (Башталганы 11:1). Оныҥ учун «јаҥы јер» деген сӧс Кудайга сӧсуккур улуска ла оныҥ алкыжын алып турган акту улуска келижет.

16. а) Јаҥы телекейде јӱретен улуска Кудай нени сыйлаар? б) Бу сыйды аларга биске нени эдер керек?

 ¹⁶ Иисус јаҥы телекейде јӱретен улуска «ӱргӱлји јӱрӱм» берилер деп сӧзин берген (Марк 10:30). Бу сыйды аларга биске нени эдер керек? Каруузы Агару Бичикте бар. Иоанн 3:16 ла 17:3 кычырар деп сурап турубыс. Је эмди, Агару Бичик келер ӧйдӧги јӱрӱм керегинде нени айдып турганын шӱӱжип ийектер.

17, 18. Јердиҥ ӱстинде амыр-энчӱ болор ло бис ончо јанынаҥ коруда болорыс деп кайдаҥ билерис?

¹⁷ Јаман, јуу-согуш, каршулу керектер ле базыныш болбос. Јердиҥ ӱстинде јаман улус база болбос (Сарын 37:10, 11; Матфей 5:5). Кудай «јердиҥ јаказына јетире јуу-согушты» токтодып салар (Сарын 46:9; Исаия 2:4). Кайда ла Кудайды сӱӱп турган ла ого сӧсуккур улус јадар. Јердиҥ ӱстинде јаантайын амыр-энчӱ болор (Сарын 72:7).

¹⁸ Иегованыҥ ишчилери ончо јанынаҥ коруда болор. Библиялык ӧйлӧрдӧ израиль албаты Кудайга сӧсуккур болордо, олор коруда јӱрген, нениҥ учун дезе олорды Кудай корулаган (Левит 25:18, 19). Бис те райда кемнеҥ де, недеҥ де коркыбазыс. Бис јаантайын ончо јанынаҥ коруда болорыс! (Исаия 32:18; Михей 4:4 кычырыгар.)

19. Јаҥы телекейде курсак артыгынча болор деп, нениҥ учун алаҥзыбаска јараар?

¹⁹ Курсак-тамак артыгынча болор. «Јерде, кырлар бажында калаш артыгынча болор» (Сарын 72:16). Иегова «бистиҥ Кудай, биске алкыжын јетирер» ле «јер бойыныҥ тӱжӱмин берер» (Сарын 67:6).

20. Јер рай болуп калар деп, бис кайдаҥ билерис?

²⁰ Бастыра јер рай болуп калар. Бастыра улуста бойыныҥ јараш туразы ла сады болор. (Исаия 65:21—24; Ачылта 11:18 кычырыгар.) Бастыра јер Эдемдеги  садтый сӱреен јараш болуп калар. Иегова јӱрӱмге керектӱ бастыра немени берип, јаантайын бисти кичеер. Агару Бичикте ол керегинде айдылат: «Сен бойыҥныҥ колыҥды јайып, кажы ла тирӱ јайаанныҥ кӱӱнин бӱдӱрип саладыҥ» (Сарын 145:16).

21. Улус ла тындулар амыр-энчӱ јӱрер деп, бис кайдаҥ билерис?

²¹ Улус ла тындулар амыр-энчӱ јадар. Тындулар улуска база качан да каршузын јетирбес. Керек дезе, эмдиги ӧйдӧ каршу јетирип турган тындулардаҥ келер ӧйдӧ балдар да коркыбас. (Исаия 11:6—9; 65:25 кычырыгар.)

22. Оору-јобол нениҥ учун база болбос?

²² Оору-јобол болбос. Иисус Христос јерде болордо, ол кӧп улусты јаскан (Матфей 9:35; Марк 1:40—42; Иоанн 5:5—9). Је келер ӧйдӧ Кудайдыҥ Каандыгыныҥ Кааны болуп, ол ончо улусты су-кадык эдер. «Бир де кижи: „Мен оору“ — деп айтпас» (Исаия 33:24; 35:5, 6).

23. Божоп калган улусла не болор?

²³ Божогон улус ойто јӱрер. Кудай миллиондор тоолу божогон улусты тиргизерим деп сӧзин берет. «Актулар да, акту эместер де тирилер». (Иоанн 5:28, 29 кычырыгар; Апостолдордыҥ ижи 24:15.)

24. Слер райда јадарга кӱӱнзейдеер бе?

²⁴ Биске ончобыска: Иегова керегинде билгирлер алып, ого иштеер бе эмезе бойыстыҥ кӱӱнисле јӱрер бе деп, талдаар керек. Бис Иеговага иштеерин талдап алзаас, бисти сӱреен јакшы ӧй сакып јат. Иисус Христос божоор алдында јанында тӧҥӧшкӧ кададып салган кижиге: «Мениле кожо райда болорыҥ» — деп, сӧзин берген (Лука 23:43). Иисус Христос ол кем андый ла Кудайдыҥ берген сӧзин ол канайып бӱдӱрери керегинде кӧптӧдӧ билип алактар.