Кудай канча атту?
Агару Бичиктиҥ каруузы
Кудайда јӱк ле бир ат бар. Еврей тилге ол мынайып бичилет: יהוה. Алтай тилге ол «Иегова» a деп айдылат. Кудай бойыныҥ Исайя судурчызы ажыра айткан: «Мен Иегова. Бу мениҥ адым» (Исайя 42:8). Јебрен библиялык колбичимелдерде бу ат 7 000 кире катап туштайт, ӧскӧртӧ айтса Кудайды айдып турган сӧстӧргӧ кӧрӧ, канча катапка кӧп туштайт. Агару Бичикте кемниҥ де ады андый кӧп катап айдылбай јат b.
Кудайда ӧскӧ аттар бар ба?
Агару Бичикле болзо, Кудайда јӱк ле бир ат бар. Бу ок ӧйдӧ анда Иеговага титулдар ла эпитеттер тузаланылат, олордыҥ кажызы ла ол кандый Кудай болгонын ачат. Олордыҥ кезиги.
Титул |
Бичилген јерлери |
Учуры |
|---|---|---|
Аллах |
|
Араб тилдеҥ алынган «Аллах» деген сӧс — ат эмес, је «Кудай» деген титулды темдектейт. Оныҥ учун ол араб ла ӧскӧ дӧ тилдерге кӧчӱрилген Агару Бичикте тузаланылат. |
Альфа ла Омега |
«Баштапкы ла калганчы» эмезе «бажы ла учы» ӧскӧртӧ айтса, Иегованаҥ озо Кӱчтӱдеҥ Кӱчтӱ Кудай болбогон ло оныҥ да кийнинде болбос (Исайя 43:10). «Альфа» ла «омега» — грек алфавиттиҥ баштапкы ла калганчы буквалары. |
|
Кудай |
Ого бажыргылап јат; јаан ийде-кӱчтӱ. Элохи́м деген еврей сӧс кӧп тоодо турат. Бу дезе Иегованыҥ улу, бийик јаҥду болгонын кӧргӱзет. |
|
Кудайлардыҥ Кудайы |
Улустыҥ бажырып турган «туза јок кудайларына» кӧрӧ, Эҥ Бийик Кудай (Исайя 2:8). |
|
Улу Ӱредӱчи |
Тузалу немеге ӱредип, чындыктыҥ јолыла апарат (Исайя 48:17, 18). |
|
Улу Јайаачы |
Ончо немени ол јайаган (Ачылта 4:11). |
|
Бий Кайракан |
Эҥ бийик јаҥду; еврей тилге Адона́й. |
|
Эҥ Бийик |
Эҥ бийик јаҥду; Эҥ Бийик Башкараачы. |
|
Кӱчтӱдеҥ Кӱчтӱ |
Эҥ кӱчтӱ, кемде де андый ийде-кӱч јок. Еврей сӧс Эл Шадда́й, «Кӱчтӱдеҥ Кӱчтӱ Кудай», Агару Бичикте јети катап туштайт. |
|
Гончар |
Канайып гончар той балкашла иштенет, анайып ла улусла, албатыларла башкарар јаҥду (Римдегилерге 9:20, 21). |
|
Кайракан |
Ээзи эмезе бий; еврей тилге Адо́н эмезе Адони́м. |
|
Кайракан Саваоф |
Исайя 1:9; Римдегилерге 9:29, Синод кӧчӱрме |
Сӱреен кӧп ангелдердеҥ турган черӱле башкарат. «Кайракан Саваоф» деген титул «Черӱлердиҥ Кудайы Иегова» ла «[теҥеридеги] Јуучылдардыҥ Кайраканы» дегенин кӧргӱзет (Римдегилерге 9:29, Јаҥы телекей деп кӧчӱрме; Современный русский перевод). |
Кӱндериле Јебрен |
Учы-бажы болбогон, не-неме табылардаҥ озо, учы-кыйузы јок узак ӧйлӧргӧ болгон (Сарын 90:2). |
|
Аргадаачы, Јайымдаачы |
Исайя 41:14, Синод кӧчӱрме |
Иисус Христостыҥ толынты тайылгазына тӧзӧлӧнип, улусты кинчектеҥ ле ӧлӱмнеҥ јайымдайт (Иоанн 3:16). |
Ада |
Јӱрӱм Береечи. |
|
Кӱдӱчи |
Бойыныҥ ишчилерин кичееп јат. |
|
Кӱнӱркек |
Чыгыш 34:14, Синод кӧчӱрме |
Иегова Кудай улусты јӱк ого бажырзын деп некейт. Улус ӧскӧ кудайларга бажырып турза, ого чек јарабай јат. |
Агару |
Оноҥ агару кемде јок (нравственный јанынаҥ ару болоры). |
|
Кайа |
Оноҥ кору ла аргаданыш табып аларга јараар. |
|
Мӱргӱӱлдердиҥ Угаачызы |
Ого бӱдӱп, мӱргӱген кажы ла кижиниҥ мӱргӱӱлин ол бойы угат. |
|
Аргадаачы |
Јеткердеҥ эмезе ӧлӱмнеҥ аргадайт. |
|
Ырысту Кудай |
Ол сӱӱнчилӱ ле ырысту Кудай (Сарын 104:31). |
|
Јайаачы |
Ончо неме оноҥ улам табылган (Ачылта 4:11). |
|
Чактардыҥ Кааны |
Ол јаантайын Эҥ Бийик Бий болгон ло болор. |
|
Мен чын ла Бар |
Чыгыш 3:14, Синод кӧчӱрме |
Бойыныҥ амадузын бӱдӱрерге, кем болорго турган ол ло боло берет. Бу сӧстӧрди ӧскӧ эдип кӧчӱрерге јараар: «Мен кем болорго кӱӱнзейдим, ол ло боло берерим». Мынайып айдылганы Чыгыш 3:15-те Иегова деп аттыҥ учурын оҥдоорго болужат. |
Еврей Бичимелдерде географиялык јерлердиҥ аттарына кирет
Кудайдыҥ ады Агару Бичиктеги географиялык кезик јерлердиҥ аттарына кирет, је бу Кудайдыҥ ӧскӧ аттары болбой јат.
Географиялык аттар |
Бичилген јерлери |
Учуры |
|---|---|---|
Иегова-Ире |
«Иегова берер». |
|
Иегова-Нисси |
«Иегова — мениҥ кӧргӱзӱ темдегим» (Новый русский перевод). Иегова Кудайга оныҥ албатызы болуш ла кору аларга келет (Чыгыш 17:13—16). |
|
Иегова-Шалом |
«Иегова — амыр». |
|
Иегова-Шамма |
«Иегова анда». |
Кудайдыҥ адын нениҥ учун билер ле тузаланар керек?
Иеговага ады јаан учурлу болуп јат, нениҥ учун дезе оныҥ ады Агару Бичикте муҥдар катап туштайт (Малахия 1:11).
Кудайдыҥ ады учурлу болгонын оныҥ Уулы, Иисус, кӧп катап аҥылап айткан. Иеговага ол мынайып мӱргӱген: «Адыҥ сениҥ агарулалзын» (Матфей 6:9; Иоанн 17:6).
Кудайдыҥ адын билип алала, оны адап баштаганы — Кудайла најылажарыныҥ баштапкы алтамы (Сарын 9:10; Малахия 3:16). Иеговала јуук колбуда болгон улуска, ол берген сӧзин бӱдӱрер деп айдып јат: «Мени сӱӱгени учун Мен оны аргадаарым, Адымды адап турганы учун оны корулаарым» (Сарын 91:14).
Агару Бичикте айдылат: «Теҥериде беди, јерде беди, „кудайлар“ деп адалганы бар. Андый „кудайлар“ кӧп, „бийлер“ де кӧп» (1 Коринфтегилерге 8:5, 6). Је Агару Бичиктеҥ Иегова деп атты јӱк ле сок јаҥыс чындык Кудай аданар аргалу деп јарт кӧрӱнип јат (Сарын 83:18).
a Кезик гебраисттер Кудайдыҥ адын «Яхве» деп айдар керек деп бодогылайт.
b Кудайдыҥ адыныҥ Иаг деп кыска бӱдӱми Агару Бичикте 50 кире катап туштайт, ол тоодо «Аллилуйя» деген сӧстӧ. Бу сӧс «Иагты мактагар» дегенин темдектейт (Ачылта 19:1, Синод кӧчӱрме; Современный русский перевод).
Анайда ок слерге јараар болор
АГАРУ БИЧИКТИҤ ТӦС ӰРЕДӰЛЕРИ
Кудайда ады бар ба?
Кудайда кӧп титулдар бар, темдектезе, Кӱчтӱдеҥ Кӱчтӱ, Јайаачы, Кайракан. Је андый да болзо, Кудайдыҥ ады Агару Бичикте 7 000 киредеҥ ажыра туштап јат.
БИСТЕР КЕРЕГИНДЕ
Слерге јолугып ийзин деп сурагар
Слердиҥ сурактараарга Агару Бичик кандый каруу берип турганын билип алыгар эмезе Иегованыҥ Керечилери керегинде кӧптӧдӧ билип алыгар.