ENUKPLAKPLA 53
Munɔ munu ciwo yí jɔnɔ ji nɔ Yehowa
Yehowa nyi ‘jijɔ Mawu.’ (1 Timɔte 1:11) Éji mɔ mìwo can le kpɔ jijɔ yí aɖu le nɔ mìwo gbe. Eji jɔɛni nɔ ékpɔ mɔ mìji gamɛ yí gbɔnnɔ domɛ keŋ yí munɔ munu. Le enukplakpla cɛ mɛɔ, mìakpɔ lé mìazannɔ gbɔngbɔndomɛ hwenu mìwotɔwo do nɔ awa nywi nɔ mìwoŋtɔwo yí agbejɔ ji nɔ Yehowa.
1. Nyi èɖo aɖonɔ ŋwi nɔ ècankɔ enu ciwo àsɔ mu munuɔ?
Nyi èjinɔ mɔ yeawa le gbɔndomɛ hwenu aotɔwo mɛɔ? Mɛɖewo jinɔ mɔ yewoanɔ axomɛ kpuu keŋ ahlɛnhlɛn wema, asekɔ miziki, akpɔkpɔ fimu alo ayikɔ ɛntɛnɛti ji. Mɛbuwo jinɔ mɔ yewoazan gamɛ sugbɔ koɖo yewo xlɔwo, aɖyi sa, axu tɔ alo amu munu ɖowo koɖo wo. Ðekpokpuiɖe ci anyiɔ, mìɖo akpɔ gbɔ mɔ munumumu mìwotɔwo “jɔnɔji nɔ Axwetɔ.” (Efezitɔwo 5:10) Ele veviɖe mɔ mìamɔŋje nyɔ cɛ mɛ; ɖo le egbɛ mɛɔ, amɛ sugbɔ ɖui yí kpɔnɔ, senɔ alo wanɔ enu ciwo Yehowa gbe. Enu lɔwo ɖowo yí nyi tamɛsɛnnuwawa, gbɔdɔndɔn masɔkoɖose alo gbɔngbɔnyɔyɔ nuwanawo. (Hlɛn Ehajiji Wema 11:5.) Nyi yí akpedo mì nu mìacan munumumu mìwotɔwo le nunya mɛɔ?
Nɔ mìnyi xlɔ koɖo mɛ ciwo yí lɔn Yehowaɔ, woana mìaɖo nɔnɔmɛ nywiwo yí agbecannɔ munumumu mìwotɔwo nywiɖe. Shigbe lé mìkplɛ le enukplakpla ɖeka mɛ vayi sabaɖe nɛɔ, nɔ ‘ènyi xlɔ koɖo mɛ ciwo yí nyi ŋununyatɔwoɔ, ànyi ŋununyatɔ.’ Vɔ, nɔ mìnɔnɔ ju hweshiahwenu koɖo mɛ ciwo yí delɔn Mawu sewoɔ, “eyi cukaɖa a va [mì] ji.”—Elododo Wema 13:20.
2. Nyi yí taɖo ele veviɖe mɔ mìanɔ zanŋte do gaxoxo nɛnni ci mìasɔ munɔ munu nuɔ?
Nɔ munumumu ci mìcan nyɔ can ɔ, mìɖo anɔ zanŋte nɔ mìŋgbevazan gamɛ ni ɖoɖu o. Nɔ denyi ahan ɔ, mìdatɛnŋ agbevakpɔkɔ gamɛ sugbɔ nɔ edɔ vevitɔwo wawa o. Bibla do ŋsɛn mì mɔ mìwo le ‘nya mìwo gamɛ zanzan.’—Hlɛn Efezitɔwo 5:15, 16.
JI DWI NI KPƆ DOJI
Kpɔ lé àwa ɖaŋ acannɔ munumumu aotɔwo do.
3. Gbe munumumu dɔndɔnwo
Nyi yí taɖo mìɖo awa ɖaŋ acannɔ mìwo munumumuwo nywiɖeɔ? Xo VIDEO lɔ, keŋ agbeje biɔse ciwo yí gbɔgbɔ mɛ.
-
Lé ayeɖedaɖɛnu ɖewo ciwo yí li gbɛ ɖyi ewivuwawa ci blema Rɔmatɔwo sɔ munɔ munu doɔ?
-
Le video lɔ mɛ ɖe, nyi Andre kpla so munumumu nuɔ?
Hlɛn Rɔmatɔwo 12:9, keŋ agbeje biɔse cɛ mɛ:
-
Lé kpukpui cɛ akpedo eo nu nacan munumumu aotɔwo nywiɖe doɔ?
Nyiwo Yehowa gbeɔ? Hlɛn Elododo Wema 6:16, 17 koɖo Galatitɔwo 5:19-21. Nɔ èhlɛn kpukpui ɖe ɖegbɔɔ, nagbeje biɔse cɛ mɛ:
-
Nyiwo woyɔ do kpukpui cɛwo mɛ, yí wogbezenɔ blaŋblaŋ le munumumuwo mɛ gbɛɔ?
Lé àcan ao munumumuwo le nunya mɛ do
Biɔ eɔɖeki se mɔ:
-
Munu ci namuɔ? Enu ciwo Yehowa gbe ɖe le munumumu cɛ mɛa?
-
Hwenu namu munuɔ? Munumumu cɛ axɔ gamɛ le ŋshi yí ŋdagbekpɔ asɔ wa edɔ vevitɔwoa?
-
Mi namu munu lɔ koɖoɔ? Munumumu cɛ adɔ yí nadokɔ go blaŋblaŋ koɖo mɛ ciwo yí delɔn Yehowaa?
Ado mì ji sɔwu nɔ mìnɔ azɔge kpanŋkpanŋ nɔ afɔku. Eyi taɖo mìɖo agbe munumumu ciwo mìkpɔ mɔ wodanyɔ nɔ mì o
4. Zan ao gamɛ le nunya mɛ
Xo VIDEO lɔ, keŋ agbeje biɔse ci yí gbɔgbɔ mɛ.
-
Ci nɔviŋsu ci yí le video lɔ mɛ dekpɔkɔ enudɔndɔn ɖe can ɖe, nyi yí vanyi cukaɖa niɔ?
Hlɛn Filipitɔwo 1:10, keŋ agbeje biɔse cɛ mɛ:
-
Lé kpukpui cɛ akpedo mì nu mìanya gaxoxo nɛni mìazannɔ nɔ munumumuwoɔ?
5. Can munumumu nywiwo
Ci munumumu ɖewo dekpenɔ nɔ Yehowa can ɔ, sugbɔtɔ li yí jɔnɔ ji ni. Hlɛn Ŋununyatɔ 8:15 koɖo Filipitɔwo 4:8, keŋ agbeje biɔse cɛ mɛ:
-
Munumumu nywi ci yí jɔnɔ ji nɔ eoɔ?
Àtɛnŋ ase vivi nɔ munumumu nywi ci ècan yí asɔ ɖe aye daɖɛ
MƐÐEWO NUNƆ MƆ: “Denyina mɔ woasɔ enu ciwo mɛ tamɛsɛnsɛn, gbɔdɔndɔn masɔkoɖose, alo gbɔngbɔnyɔyɔ nuwanawo zenɔ le, mu munu o. Nɔ ŋdevlɛ yí wɛ vɔɔ, degble ŋɖe o.”
-
Lé ànu so nuɔ?
ENU CI ÈKPLA
Yehowa ji mɔ mìwo le can munumumu nywi yí agbese vivi ni.
Enumɛtoto
-
Munumumu ciwo Kristotɔwo ɖo agbeɔ?
-
Nyi yí taɖo mìɖo anɔnɔ zanŋte do gaxoxo nɛni ci mìsɔ munɔ munu nuɔ?
-
Nyi yí taɖo èji mɔ yeacan munumumu ci yí akpe nɔ Yehowaɔ?
KPƆ ŊCƐWO KPƆ
Mi yí ɖo acannɔ enu ciwo àsɔ munɔ munuɔ?
“Yehowa Kunuɖetɔwo donɔ se do video, wema alo eha ɖewo nua?” (Àkpɔɛ le siti lɔ ji)
Kpɔ lé àtɛnŋ asɔ gbeta nywiwo le munumumu aotɔwo koɖo ŋciwo àsɔ munɔ munu mɛ.
“Èkpɔnɔ ele le ao munumumu mɛa?” (Jutakpɔxɔ 15 octobre 2011)
Le agbemɛ xolɔlɔ ci yí nyi “Ŋvami eŋɔ kuku yovowo ŋtɔkpu” mɛɔ, kpɔ ŋci yí taɖo ŋsu ɖeka trɔ ŋciwo ecannɔ yí sɔ munɔ munu ɖa.
“Bibla trɔkɔ agbenɔnɔ amɛwo tɔ” (Jutakpɔxɔ 1er février 2010)
Kpɔ lé vinɔ ɖeka wa ɖaŋ sɔ gbeta so munumumu ciwo yí danasɛ gbɔngbɔnyɔyɔ xolɔlɔwo nu ɖa.
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
