Kpedo ao nyɔsetɔwo nu nɔ woagbeje wowoɖekiwo mɛ. Wa enyɔbiɔse ciwo yí akpedo ao nyɔsetɔwo nu nɔ woabu tamɛ keŋ agbeje wowo seselelanmɛwo mɛ.

Na nɔ susu nywiwo acucu wo le enuwawa mɛ. Na nɔ ao nyɔsetɔwo akpɔ enu ci yí taɖo wowakɔ dɔ nywiwo. Kpedo wo nu nɔ lɔnlɔn ɖoɖo nɔ Yehowa, nɔ amɛkpena koɖo Bibla nukplamuwo acucu wo le wowo nuwawawo pleŋ mɛ. Kpedo wo nu nɔ woakpɔ nunya ci yí le enyɔ ci Bibla nu mɛ; ŋgbeʒin nyɔ lɔwo do wo ji o. Ŋgbenu nyɔ ɖe asɔ do ŋkpɛn wo o; le ao dɔ lɔ vɔvɔnuɔ, anyɔ wu nɔ èna yí ŋsɛn ɖo wo mɛ nɔ woawa enu ci ji wokpe.

Dɔn amɛwo susu yi Yehowa ji. Tɛ gbe do lé Bibla nukplamuwo, gɔnmɛɖosewo koɖo esewo dasɛ Mawu nɔnɔmɛwo koɖo yi lɔnlɔn nɔ mì do. Kpedo ao nyɔsetɔwo nu nɔ woakpɔ lé Yehowa ase le yiɖeki mɛ do wowo nuwanawo nu keŋ aji mɔ yewo nu le jeŋ ni.