AKPA 2
Mi Yí Nyi Mawu Adodwitɔ Lɔɔ?
Mawu adodwitɔ kuɖeka kpaŋ yí li. Étɔ mɔ Yehowa. (Ehajiji Wema 83:18 xexe yeye gɔmɛɖeɖe) Jeŋkwimɛ yí nyi yi nɔxu, wodatɛnŋ akpɔɛ o. Élɔn mì, yí ji mɔ mìwo le lɔn ’ye. Égbe ji mɔ mìwo le lɔn amɛshiamɛ. (Matie 22:35-40) Ŋsɛnwo Pleŋtɔ yí ényi, eyiwa enushianu.
Yehowa Mawu nuwawa ŋkɔtɔ nyi Mawudɔla sɛnŋsɛnŋ ɖeka. Éva trɔ agbetɔ yí nɔ nyigban ji, yí woyɔɛ mɔ Yesu Kristo. Yi goduɔ, Yehowa gbe wa Mawudɔla buwo.
Yehowa wa enu ciwo pleŋ yí le jeŋkwimɛ . . . koɖo enu ciwo pleŋ yí le nyigban ji. Enyɔdasɛ 4:11
Yehowa Mawu wa ewe, wleci koɖo wleciviwo. Égbe wa nyigban koɖo yijinuwo pleŋ.—Gɔnmɛjeje Wema 1:1.
Éwa Adamu, agbetɔ ŋkɔtɔ koɖo ekɔ.—Gɔnmɛjeje Wema 2:7.
Ebuwo Ke
BIBLA NUKPLAKPLA VEVIWO
Ŋkɔ le Mawu shia?
Bubuŋkɔ sugbɔwo le Mawu shi, shigbe mɔ: Ŋsɛnwo Pleŋtɔ, Enuwo Pleŋ Watɔ, koɖo Axwetɔ. Vɔ Mawu ŋkɔ ŋtɔŋtɔ Yehowa ze 7 000 le Bibla mɛ.
