Kpɔwɛ sugbɔ dasɛ mɔ, eŋɛnywidratɔ yoyu ciwo yí wona kpla so gɔnmɛjeje mɛ yí woɖenɔ kunu gashiagamɛ koɖo ezolelanmɛ, vanyinɔ eŋɛnywidratɔ bibiwo. (Elo 22:6; Fili 3:16) Aɖaŋɖoɖo ciwo yí dre lé àtɛnŋ akpedo Bibla nukplavi ɖe nu, nɔ gɔnmɛɖokpe nywi asun shi le kunuɖeɖedɔ lɔ mɛ ɖewo ke:

• Nɔ woda ashi do ao nukplavi ji mɔ, yɛ je anyi eŋɛnywidratɔɔ, tɔ ekpla nini zeɖeka. (km-EW 8/15 1) Kpedonu nɔ anya mɔ yɛle veviɖe mɔ, yeaɖenɔ kunu kwɛshila ɖeshiaɖe. (Fili 1:10) Xonɔ nuxu nywi so nyigbanmama lɔ nu ni. (Fili 4:8) Do ezo lanmɛ ni, nɔ awanɔ dɔ koɖo kunuɖeɖegbɛ jikpɔtɔ koɖo eŋɛnywidratɔ buwo keŋ akpla nu so enutɔxukpɔkpɔ wowotɔ mɛ.​—Elo 1:5; km-EW 10/12 6 ¶3

• Nɔ ao nukplavi lɔ wa ӡinӡindoshimɛ goduɔ, ŋgbemi ezododo lanmɛ ni le kunuɖeɖedɔ lɔ mɛ o, vevitɔ nɔ deɖegbɔ “Mawu Ƒe Lɔlɔ̃” wema lɔ kplakpla o.​—km-EW 12/13 7

• Nɔ èɖekɔ kunu koɖo eŋɛnywidratɔ yoyu ɖeɔ, zan kpɔwɛseŋkannyɔ fafɛwo. Ðo to yi hwecinu yí eɖekɔ kunu. Le yi goduɔ, kanfui nywiɖe so ji mɛ. Ðo aɖaŋ ciwo yí akpedo nu nɔ abi doji.​—km-EW 5/10 7