“Klɔ ashi. Cucu xɔmɛ. Kplɔ nyigban. Sɔ nukplɔ yi kɔŋgbe.” Jila sugbɔ kplanɔ wowo viwo lé woanɔ mɛmiɖe le gbazamɛ do. Wogbekplanɔ wo lé woawɛ do yí texwe ciwo yí wole amɛ́. Vɔ mìwo Mawu kɔkɔɛ lɔ gbɔ yí emɔdasɛnamɛ ciwo yí kudo kɔkɔɛnyinyi nu so. (Hun 30:18-20; 2Ese 23:14; 2Kor 7:1) Mìkannɔfu Yehowa nɔ mìmɛ́nɔ le gbazamɛ yí enu ciwo yí le mì shi can gbemɛ́nɔ. (1 Piɛ 1:14-16) Lé mìwo xwewo mɛ koɖo texwe ciwo yí trɔdi nɔnɔ doɔ? To akpo nɔ mɛ ciwo yí kɔnɔ nukplɔwo do emɔwo ji koɖo finiwo yí amɛwo gbɔnnɔ domɛ leɔ, Kristotɔ wowo tekpɔ yí wanɔ wowo tɔ keŋ nɔ nyigban lɔ akpɔtɔ anɔnɔ mɛmiɖe. (Eha 115:16; Enyɔ 11:18) Le enuhwɛhwɛwo mɛ shigbe finiwo mìsɔ tɔfi koɖo kpɔnnɔvi kpawo, cugban, ganuvi, shigɔmu koɖo shiwuwo danɔdo danasɛ lé mìkpɔnɔ kɔkɔɛnyinyi do. Le mìwo gbenɔnɔ kpaxwe ɖeshiaɖe mɛɔ, mìjinɔ mɔ mìadasɛ mìwoɖekiwo “shigbe Mawu dɔwaviwo ɛnɛ.”—2Kor 6:3, 4.

KPƆ VIDEO CI YÍ NYI MAWU LƆNNƆ AMƐMƐMIWO; LE YI GODUƆ, NA ÐOŊCI NƆ ENYƆBIƆSE CIWO YÍ GBƆGBƆ:

• Nyiwo yí mɛɖewo atɛnŋ asɔ ɖoɖoɔ ŋkɔ keŋ agbe ebulele nɔ enu ciwo yí le wo shiɔ?

• Lé Moizi Se lɔ dasɛ susu ci yí le Yehowa shi kudo kɔkɔɛnyinyi nu doɔ?

• Lé mìatɛnŋ asɔ kanfukanfu na Yehowa nuxumaxo doɔ?