KILISINYIAMAA BƐ ƐBƖLAWƆLƐ
Mɔɔ Mʋkɔhʋla Mɩkɛyɛ Mʋkɔwɔ Dimaba Mɔɔ Yɛwɔ Nɩ Nwʋ Banɩ
Mmenii kila subanɩ mɔɔ Gyehova Dasɩvʋlɔmaa da yɩ ali nɩ. (1Kɔl 4:9) Ebiye a, yekeɣizia yɛ nwʋ kɛɛ, ‘Asʋ̃ mu munwa ndwokɔ nɩɩ mɩ nyɛlɩyɛ hyɛ Gyehova animinyiamɩ a?’ (1Pit 2:12) Yɛábɛ kɛɛ yɛkɛyɛ de bela mɔɔ ɩkɛzɩkɛ dimaba mɔɔ Gyehova Dasɩvʋlɔmaa va alʋbɔ sʋ̃maa nyia nɩ.—Odw 10:1.
Wɔ bʋwabɩlɛ mɔɔ ilili zʋlɔ yi nu nɩ, kɛlɛ mɔɔ ɩsɛ kɛɛ Kilisinyianii bela yɛ wɔ nwʋmɔ nɩɩ Bayɩbʋlʋ nu egyinalɛzʋ-odwokɔ be mɔɔ ɩkɔhʋla ɩkɔwʋwa yɩ:
-
Mmɩlɩ mɔ abiye mɔɔ ɩ́dɩ dedinii dɩndɛ diyia wʋ
-
Mmɩlɩ mɔ wʋ ntalɩ, kaalʋ anzɛnyɩɩ wʋ awudo ɩyɛ evinli
-
Mmɩlɩ mɔ aɣanɩ hyɛ mmɛla be mɔɔ iáluwa ɔhʋanɩ nu anzɛnyɩɩ ɩyɛ sɩ kɛɛ ekelili ɔzʋlɔ
Kila kezimɔ bɛzabɛ mɔɔ bɛyɛ ɛbɩbɛlɛnu wɔ Ɛhɛlɛlɛ Azʋkɔlɩyɛ nɩ bɔ dimaba mɔɔ yɛlɛ nɩ nwʋ banɩ.
KILÁ VIDIYO MƆƆ ISE YƐPƐ KƐƐ MMENII NYIA NDWOKƆ MƆƆ ƖDƖ NƆHƲANLƐ, NA AKƲ̃ YƖ ODWOKƆƔIZIALƐ EYI YI MUNWA:
Mmɔdɩnɩ mɔɔ ahyɩhyɛdɩ yɩ bɔ kɛɛ bekeziyeziye ndwokɔ mɔɔ ɩdɩ nɔhʋanlɛ nɩ, kɛ ɩkã wʋ ise a?
