Ɔzʋmɩ ɔwɔkɩ babʋmɩ nnɛ munwala, Nyamɩnlɩ yɩ azʋ̃mɩvʋlɔ bɔhʋla bɛyɛ nnwʋánlɩ nninyeni sʋ̃maa mɔɔ kɛ bɛ anwʋzɩzɩbɛ ti a, mfomi iluwa Gyehova yɩ mmʋwalɩyɛ zʋ. Wɔ 1954 nu nɩ, Gyehova yɩ ahyɩhyɛdɩ yɩ ɩlalɩ vidiyo be mɔɔ yɩ odwokɔtile ise The New World Society in Action. Bɛtɩlɩmaa mɔɔ nɩ béni ozumalɛnwʋnlɛ bela wɔ fɩlɩmɩyɛlɛ nu yɛ bɛyɛlɩ a. Gyehova yi sunzuma nwanzanwanza nɩ yɛ ɩwʋwalɩ ma bɛyɛlɩ ɔzɔ egyimalilɛ ɛzɩzɩbɛ eyi a. Ɩma yenyia anwʋlazʋ kɛɛ sɛ yɛfa yɛ nwʋ yetiã Gyehova zʋ a, sa yɛkʋla yɛyɛ egyimalilɛ bela mɔɔ bɛkɛva bɛkɛma yɛ.—Zak 4:6.

KILÁ VIDIYO MƆƆ ISE KEZIMƆ BƐYƐLƖ “THE NEW WORLD SOCIETY IN ACTION” VIDIYO NƖ, NA AKƲ̃ YƖ́ NDWOKƆƔIZIALƐ EYIMMƆ BO MUNWA:

• Mɩnla ti mɔɔ bezili pɔkɔ kɛɛ bɛkɛyɛ fɩlɩmɩ be mɔɔ ɩfalɩ oyuwadɩ munwala egyimayɛlɛdɩka ti nwʋ a?

• Mɩnla ɔhʋanɩ zʋ yɛ fɩlɩmɩ nɩ ɩlalɩ yɩ ali kɛɛ Bɛtɩlɩ ɩdɩ kɛɛ eniiwudo yi a?—1Kɔl 12:14-20

• Mɩnla ndwokɔ ɛzɩzɩbɛ yɛ mmeliyema nɩ beyiyialɩ mmɩlɩ mɔ bɛyɛɛ fɩlɩmɩ nɩ a, na kɛ ɩyɛlɩ mɔɔ bɔhʋlalɩ belili ɔzʋlɔ a?

• Mɩnla ozumalɛdɩyɛ yɛ ozumalɛnwʋnlɛ eyi ikilehile yɛ ɩfalɩ Gyehova yi sunzuma nwanzanwanza yɩ nwʋ a?