• Ndw 139:​21, 22—Asʋ̃ bekilaa ɔhʋanɩ kɛɛ Kilisinyiamaa kɛva abiyela yɩ tanɩ kyɛ yɩ a? (it-1 862 ¶4)

  Wu munwalɩyɛ

• Wɔ dapɛnɩ eyi Bayɩbʋlʋ ɛɣɩngalɛ yɩ nu nɩ, mɩnla yɛ ɔnwʋnlɩ mɔɔ ɛpɛ kɛɛ ɛkã a?

  Wu munwalɩyɛ

Asʋ̃ ɛdɩ abiye mɔɔ wʋ anyɩ tʋ̃ dɩyɛ a? Wu kunlu ankɩ abiyela anyɩ ɩáɣa wʋ zʋ a? Wu kunlu kʋla tɩ wʋ mmɩlɩ mɔɔ ɛpɛ kɛɛ ɛ nɩɩ mmenii mvʋlɔ tɩndɛ a? Ɩyɛ a, ɩyɛ sɩ ɩma mmenii mɔɔ bɛ anyɩ tʋ̃ dɩyɛ nɩ kɛɛ bɛkɛyɛ mɔɔ bɛpɛ kɛɛ bɛyɛ nɩ. Naasʋ̃, mmenii sʋ̃maa be mɔɔ bɛ anyɩ tʋ̃ dɩyɛ nɩ hʋla li ɔzɔ ɔhawʋ yɩ zʋ na bɛ anyɩ hʋla le wɔ bɛ dasɩlɛlilɛ egyima yɩ nu po. Mɩnla yɛ yɛkɔhʋla yekozuma wɔ be ndianwʋ yɩ nu a?

Yɩ́ VIDIYO mɔɔ ise Mɩyɛɛ Mɔɔ Mʋkɔhʋla Bela Ɩávalɩ Nwʋ Kɛɛ Mɩ Anyɩ Tʋ̃ Dɩyɛ Nɩ. Na akʋ̃ biziá ediyelɛmaa nɩ ndwokɔɣizialɛ eyimmɔ:

• Mɩnla ɔhʋanɩ zʋ yɛ eliyema baalɛ Lee nyianlɩ fʋlɔdulɛ mɔɔ yɩ nlabaalɛ va manlɩ kɛɛ “ɩva mɔɔ ɩlɛ nɩ munwala ɩzʋ̃mɩ Gyehova” nɩ zʋ mfasʋ a?

  Wu munwalɩyɛ

Bayɩbʋlʋ ma yɛnwʋ yɩ kɛɛ ɩkɛyɛ kɛɛ nɩ Timoti, Gyɛlɩmaya nɩɩ Mosisi bɛ anyɩ tʋ̃ dɩyɛ. (Ɛkɩ 3:11; 4:10; Gyɛ 1:​6-8; 1Ti 4:12) Naasʋ̃, bɔhʋlalɩ bɛyɛlɩ nninyeni nɣezile wɔ Gyehova yɩ ɔzʋ̃mɩnlɛ nu iluwakɛɛ nɩ ɩkɩnla bɔ nwʋ. (Ɛkɩ 4:12; Gyɛ 20:11; 2Ti 1:​6-8)

Kɩnga Ayɩzaya 43:​1, 2. Na akʋ̃ biziá ediyelɛmaa nɩ ndwokɔɣizialɛ eyimmɔ:

• Mɩnla anʋhʋba yɛ Gyehova ɩfa ɩbɔ yɩ azʋ̃mɩvʋlɔ a?

  Wu munwalɩyɛ

Mɩnla ɔhʋanɩ zʋ yɛ Gyehova kɔhʋla kɔwʋwa bɛzabɛ mɔɔ bɛ anyɩ tʋ̃ dɩyɛ nɩ ma bɛ anyɩ iale wɔ dasɩlɛlilɛ egyima yɩ nu a?

Yɩ́ VIDIYO mɔɔ ise Kezimɔ Wʋ Onlumanlɛ Yɩ ƖKɛma Ekenyia Anyɩnlɩlelɛ Sʋ̃maa—Vidiyo Yɩ Ɔfʋã Be. Na akʋ̃ biziá ediyelɛmaa nɩ ndwokɔɣizialɛ eyimmɔ:

• Mɩnla ɔhʋanɩ zʋ yɛ eliyema baalɛ Jackson nwʋnlɩ kɛɛ Gyehova lɛ yɩ tumi nɩ ɩbʋwaa wɔ yɩ dasɩlɛlilɛ egyima yɩ nu a?

  Wu munwalɩyɛ

• Mɩnla ɔhʋanɩ zʋ yɛ dasɩlɛlilɛ egyima yɩ kɔhʋla kɔwʋwa abiye mɔɔ yɩ anyɩ tʋ̃ dɩyɛ a?

  Wu munwalɩyɛ