Gyehova nwʋ wʋ kɛɛ ɔtʋ bʋlɔ wɔ yɩ anyɩ zʋ. (Ayɩ 43:4) Ɩhwɩ̃ wʋ iɣike yɩ pɛ na ɩva wʋ ɩɣa yɩ ahyɩhyɛdɩ yi nu sʋ̃. Iluwakɛɛ eyila wʋ nwʋ zʋ na onluma ti, ɛdɩ Gyehova yɩ dɩyɛ. Sɛ eyiyiaa ndwokɔ ɛzɩzɩbɛ po a, sa ikila wʋ iluwakɛɛ kɛɛ ɛdɩ yɩ agyiapadɩ titili. Sa iduwa yɩ ahyɩhyɛdɩ yɩ zʋ ɩda ɔlɔlɛ kanyɩɩ ali ikile wʋ.—Ndw 25:10.

Sɛ yekila mɔɔ Gyehova yɩ ahyɩhyɛdɩ ɩyɛ wɔ asianɩ mmɩlɩ nu wɔ aɣile asã yɩ a, ɩkɛma yɛ anyɩ ɩkɔzɔ yɩ ɔlɔlɛ kanyɩɩ nɩ paa.

KILÁ VIDIYO MƆƆ ISE NKITANWƲLILƐ KƆMITII BƐ AMANƖYƐWƆLƐ MA 2019, NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla ɔhʋanɩ zʋ yɛ Nkitanwʋlilɛ Kɔmitii nɩ beziyeziye bɛtɩlɩ azʋlɔtʋ mɔɔ ɩwɔ oyuwadɩ munwala nɩ ma bedi asianɩ nwʋ egyima a?

• Mɩnla ɔhʋanɩ zʋ yɛ Gyehova yɩ ahyɩhyɛdɩ nɩ ɩvalɩ ɔhʋanɩhilelɛ nɩɩ asianɩ nwʋ mmʋwalɩyɛ ɩmanlɩ Indonesia nɩɩ Nigeria a?

• Kezimɔ ahyɩhyɛdɩ nɩ ɩvalɩ ɔhʋanɩhilelɛ ɩmanlɩ wɔ COVID-19 adimakɛlɛ mmɩlɩ nu nɩ, kɛ ɩkã wʋ ise a?