ƆFƲÃ 4
Bediyeli Abɔnsamɩ Nɩ—Mɩnla Yɛ Ɩzʋ̃ Numɔ Ɩɣalɩ a?
Adamɩ nɩɩ Yifi bɛátiye Nyamɩnlɩ, meti bowuli. 2 Kɔlɛntɩmaa 11:3
Yifi idiyeli ɔwɔlɔ yɩ, na ilili owudo mma nɩ be. Aɣinzi nɩ, ɩvalɩ ebiye ɩmanlɩ Adamɩ sʋ̃, na ilili.
Mɔɔ bɛyɛlɩ nɩ, nɩ ɩdɩ tanɩ mɔɔ onumɔ yɛɛ ɔnlʋmɔ. Ɔzɔ ti Nyamɩnlɩ iduduli bɛ wɔ Ɛdɩnɩ toolo yɩ nu.
Ɛbɩlawɔlɛ nu yɛlɩ ɛzɩzɩbɛ ɩmanlɩ bɛ nɩɩ bɛ mma. Bɛyɛlɩ mmɩlɩɣa na bowuwuli. Bɛákɔ sʋlɔ anzɛnyɩɩ Abɔnsamɩ sɩnɩ nu; nɩ bení nnwʋanlɩ nu.
Mmenii mɔɔ bowu yɩ nɩ bɛdɩ kɛɛ ndɛdɛlɛ. 1 Kɔlɛntɩmaa 15:47
Sianti mɔɔ yɛwu yɛ lɛ kɛɛ, yemunwatĩĩ yɛzʋ̃ Adamɩ nɩɩ Yifi bonu yɛɣalɩ a. Awuvʋlɔ ánwʋ dɩyɛ anzɛnyɩɩ bɛádɩ odwokɔ anzɛnyɩɩ bɛáhʋla bɛyɛ dɩyɛ bela, ɩdɩ kɛɛ mɔ bɛla.—Dwɔɔnʋ 11:11-14.
Gyehova ɩábɔ mmenii kɛɛ bowu. Ɩlɛ́kyɛ ɩbadunwo mmenii mɔɔ bɛlɩla wɔ owulo nu munwatĩĩ. Sɛ betiye yɩ a, bɔkɔwʋwa azɩ dabaa.
You May Also Like
ESSENTIAL BIBLE TEACHINGS
Mɩnla Bʋwabɩlɛ Yɛ Awuvʋlɔ Bɔwɔ Numɔ a?
Bayɩbʋlʋ yɩ ɩbɔ eɣile be mɔɔ bokodunwo awuvʋlɔ bekezia bɛkɛɣa nnwʋanlɩ nu nɩ nwʋ anʋhʋba, kɛmɔ bodunwonli Lazʋlɔsʋ nɩ la.
ESSENTIAL BIBLE TEACHINGS
Mɩnla Ti Mɔɔ Nyamɩnlɩ Ɩma Tanɩ Nɩɩ Amanɩyɛnwʋnlɛ Nwʋ Ɔhʋanɩ a?
Mmenii sʋ̃maa bebizia kɛɛ, mɩnla ti mɔɔ ɛdanɩlɛ nɩɩ amanɩyɛnwʋnlɛ ɩhyɛ oyuwadɩ eyi nu manlɩ yɩ a? Bayɩbʋlʋ ɩma nwʋmɔ munwalɩyɛ mɔɔ ɩkã ahʋnlɩnɩ na ɩkyɩkyɩ ɛɣɛɛlɛ.
