“Mʋnlʋmmɔ béyiaki bɛ, na mʋnlʋmmɔ bɔhwɩ̃ bɔ nwʋ wɔ bɔ nwʋ. Máma mʋnlʋmmɔ bɛfa bɛ sa bɛkã dɩyɛ mɔɔ nwʋmɔ ɩádɩ.”—2 Kɔlɛntɩmaa 6:17

Mɩnla ti mɔɔ nzeniyɛ nɩɩ awuvʋlɔ mɔɔ bɔsʋ̃mɩ bɛ nɩ ɩdɩ tanɩ a?

• Exodus 20:4, 5; 1 Dwɔɔnʋ 5:21

  Gyehova ɩábɛ kɛɛ yɛkɛva nninyeni mɔɔ bezeni yekeli egyima wɔ yɛ ɔzʋ̃mɩnlɛ nu.

• Deuteronomy 18:10-12

  Mmenii mɔɔ bɛ nɩɩ awuvʋlɔ bɛtɩndɛ nɩ, bɛ nɩɩ azunzuma evinli mfomi yɛ bɛtɩndɛ a.

“Bɔwɔ́ mmɔdɩnɩ bozumá mɔɔ bɛyɛ a ɩkɔzɔ Niibenyia yɩ anyɩ nɩ.”—Ɛfɩsɛsɩmaa 5:10

Kɛ ɩkɛyɛ na wuazi pɔkɔ kɛɛ ɛvá wʋ nwʋ owula awuwa be nu a?

• Ezekiel 44:23; 2 Kɔlɛntɩmaa 6:14, 15

  Pɩbɛlɩ numɔ kila kɛɛ ɩzʋ̃ awʋzʋmɩzʋ̃mɩnlɛ nu a.

• Exodus 32:2-10

  Sɛ mmenii mɔɔ bɛvalɩ ɔzɔ awuwa nɩ bɛɣalɩ nɩ bɔwɔ adwɩnɩba po a, ebiye a nɩ ɔzɔ awuwa nɩ ɩázɔ Nyamɩnlɩ anyɩ.

• Daniel 3:1-27

  Twɩ̃ wʋ nwʋ wɔ awuwa mɔɔ ɩhyɛ enii, enii ahyɩhyɛdɩ, anzɛnyɩɩ manlɩ ndwɩyɛlɛ be animinyiamɩ nɩ nwʋ.

• 1 Timoti 1:18, 19

  Má wʋ anyɩ ɩla ɛkɛnɩ, naasʋ̃ bɔ mmɔdɩnɩ kɛɛ ekenyia tilewʋwaba baaba wɔ Gyehova yɩ anyunu.

“Bɛma bo munwa odwokɔ ɩyɛ fɛlɛkʋ̃, na ɩyɛ́ anyɩnlɩlelɛ ɩma abiyela mɔɔ ikediye nɩ. Akʋ̃ sʋ̃ sɛ abiye ibizia odwokɔ mʋnlʋmmɔ a ɩwɔ kɛɛ mʋnlʋmmɔ bɛyɩ yi munwa kɩnlɩma.”—Kolosiyiamaa 4:6

Mɩnla ɔhʋanɩ zʋ yɛɛ ɩsɛ kɛɛ ekilehile wʋ dedi nu ekile mmenii mvʋlɔ a?

• Matiyu 7:12

  Kile owulɛ ma nninyeni mɔɔ mmenii mvʋlɔ bɛ anyɩ ideli ɔnwʋmɔ nɩ, kɛmɔ ɛkɛbɛ yɩ kɛɛ bokowu wʋzawʋ sʋ̃ wʋ dɩyɛ nɩ la.

• 2 Timoti 2:24

  Da abʋtalɩ ali mmɩlɩ bela, na áma ɛ nɩɩ mmenii mvʋlɔ bosũ pɩla wɔ wʋ dedi nwʋ.

• 1 Pita 3:15

  Fá abʋtalɩ nɩɩ annidi kyina wʋ dedi mɛda.

• Hibulumaa 10:24, 25

  Mmenii mɔɔ bɛba Kilisinyianɩ ayiyialɩyɛ tʋ nɩ bɔkɔhʋla bɛkɛhyɛ wʋ ɛzɩzɩbɛ na bɛawʋwa wʋ ma wʋanwʋ mɔɔ ɛkɛhã mmɩlɩ mɔɔ beɣizia wʋ dedi nwʋ odwokɔ nɩ.