DƖYƐZUMANLƐ 1
Anyunumiyɩlɛ Mɔɔ Itu Mpʋnɩ
Egyima 17:22
MƆ ƖSƐ KƐƐ ƐYƐ: Má wʋ anyunumiyɩlɛ ɩyɛ anyɩnlɩlelɛ, dá wʋ odwokɔtile nɩ ali, na kilé sianti mɔɔ ɩsɛ kɛɛ wʋ ediyelɛmaa nɩ bɛ anyɩ ideli nwʋmɔ.
KEZIMƆ ƐKƐYƐ YƖ:
-
Má ɩyɛ anyɩnlɩlelɛ. Fá odwokɔɣizialɛ, odwokɔ mɔ bɛta bɛkã, ɛbɩlawɔlɛ nu ozumalɛnwʋnlɛ, anzɛnyɩɩ amanɩyɛwɔlɛ be mɔɔ wʋ ediyelɛmaa nɩ bɛ anyɩ ikeleli nwʋ nɩ di egyima.
-
Dá wʋ odwokɔtile nɩ ali. Bɔ́ mmɔdɩnɩ kɛɛ wʋ anyunumiyɩlɛ nɩ ɩkɛma wʋ ediyelɛmaa nɩ bɛkɛdɩ wʋ odwokɔtile nɩ nɩɩ sianti mɔɔ ɛvalɩ ɔzɔ odwokɔtile nɩ yɩ tʋ bʋwɔ.
-
Kilé sianti mɔɔ wʋ odwokɔtile nɩ nwʋ ihyinyia. Má odwokɔ mɔɔ ɛkɛhã nɩ ɩ nɩɩ wʋ ediyelɛmaa bɛ ahyinyiadɩ nɩ iyiyia. Ɩsɛ kɛɛ bɛtɩ ɔhʋanɩ mɔɔ ɔzɔ odwokɔtile nɩ ɩkɔhʋla ɩkɔwʋwa bɛ nɩ tʋ bʋwɔ baaba.
