Ha nɛ a bua nɛ jɔ munyu ɔ he kɛ ya si nyagbe. Bi sanehi nɛ ma ha nɛ o tue buli ɔmɛ ma susu munyu ɔ he aloo a maa suɔ nɛ a le heto ɔ.

O kɛ mɛ nɛ susu níhi a he. Ke o suɔ nɛ o ye bua tue buli ɔmɛ nɛ a nu nɔ́ ko sisi ɔ, o ma nyɛ ma bi sanehi kɛ tsa a sibi a nɔ konɛ a da nɔ kɛ susu níhi a he nɛ a le nɔ́ nɛ e sa kaa a pee.

Moo ma otihi nɛ a he hia amɛ a nɔ mi. Mo bi sanehi nɛ ma ha nɛ tue buli ɔmɛ a bua maa jɔ he kaa a maa le nɔ́ nɛ o ma de kɛ nyɛɛ se. Ngɔɔ sane bimihi kɛ nylɔ oti ko nɛ e he hia a mi. O ma nyɛ maa pee jã hulɔ ke o ngɛ munyu ɔ nya mwɔe.