Baiblo Kasemi He Blɔ Nya Tomi Kɛ Ha Nɔ Tsuaa Nɔ
Nihi le Yehowa Odasefohi wawɛɛ ngɛ a fiɛɛmi ní tsumi ɔ he je. Se anɛ o le hu kaa wa to blɔ nya nɛ waa kɛ nihi kaseɔ Baiblo ɔ ngɛ je kɛ wɛ lo?
Ngɛ jeha 2014 ɔ mi ɔ, Odasefohi nɛ a he hiɛ pe 8,000,000 nɛ a ngɛ ma slɔɔtohi 240 a nɔ ɔ kɛ nihi maa pee 9,500,000 kase Baiblo ɔ daa nyɔhiɔ. * Mahi 140 komɛ ngɛ nɛ nihi nɛ waa kɛ mɛ kaseɔ Baiblo ɔ a he hiɛ pe nihi abɔ nɛ a ngɛ ma nɛ ɔmɛ eko tsuaa eko mi!
Bɔ nɛ pee nɛ Yehowa Odasefohi a nyɛ nɛ a kɛ nihi nɛ kase Baiblo ɔ, daa jeha a, a peeɔ Baiblo, womihi, womiyohi, kɛ Baiblo kasemi ní kpahi maa pee ayɔ akpe kake kɛ fã ngɛ gbihi maa pee 700 mi! Womihi abɔ nɛ wa peeɔ ɔ yeɔ bua nihi nɛ a nyɛɛɔ kaseɔ Baiblo ɔ ngɛ mɛ nitsɛmɛ a je gbi mi.
SANEHI NƐ NIHI PƆƆ BIMI NGƐ WA BAIBLO KASEMI BLƆ NYA TOMI Ɔ HE Ɔ A HETOHI
Kɛ wa to ní kasemi ɔ he blɔ nya ha kɛɛ?
Wa ngɔɔ Baiblo mi munyu slɔɔtohi, nɛ wa hlaa Ngmamihi nɛ kɔɔ jamɛ a munyu ɔ he ɔ mi. Kaa nɔ hyɛmi nɔ́ ɔ, Baiblo ɔ ha sane bimi nɛ ɔmɛ a heto: Mɛnɔ ji Mawu? Kɛ Mawu ngɛ kɛɛ? Anɛ e ngɛ biɛ lo? Jije e ngɛ? Anɛ wa ma nyɛ maa hɛ wɔ kɛ su e he lo? Se he nɛ o maa na heto ɔmɛ ngɛ Baiblo ɔ mi ɔ ji sane ɔ nɛ.
Bɔ nɛ pee nɛ nihi nɛ a ná sane bimi nɛ ɔmɛ a heto ɔ, waa kɛ nihi pɔɔ womi nɛ ji, Mɛni Tutuutu Ji Baiblo ɔ Tsɔɔmi? ɔ kasemi. * Womi nɛ ɔ hɛɛ ba fa 224. A pee womi nɛ ɔ konɛ e ye bua nihi nɛ a nu Baiblo mi sisije tsɔɔmi ɔmɛ a sisi. Sisije tsɔɔmi ɔmɛ ekomɛ kɔɔ Mawu, Yesu Kristo, adesahi a nɔ́ nami, gbogboe a si temi, sɔlemi, kɛ ní kpahi fuu he.
Mɛni be a kɛ kaseɔ ní ɔ, nɛ jije a kaseɔ ngɛ?
Waa kɛ mo maa kase ní ɔ ngɛ he nɛ o suɔ, kɛ be nɛ maa da mo.
Ngmlɛfia enyɛmɛ nɛ ní kasemi ɔ eko tsuaa eko yeɔ?
Nihi fuu ngɔɔ ngmlɛfia kake loo nɔ́ daa otsi nɛ a kɛ kaseɔ Baiblo ɔ. Ní kasemi ɔ nya kɛmi daa si ngɛ ní kaselɔ ɔ nɔ. Waa kɛ mo maa kase ní ɔ ngɛ be nɛ maa da mo. O ma nyɛ maa ngɔ hɛngmɛfia 10 loo 15 kɛ kase ní ɔ daa otsi.
Enyɛmɛ a heɔ ngɛ Baiblo mi ní kasemi kake he?
A he we sika, nɛ a jua we Baiblo kasemi womi ɔ. Enɛ ɔ kɛ blɔ tsɔɔmi nɛ Yesu kɛ ha a kɔ. E de ke: “Nyɛ ná lɛ yaka gu nɛ nyɛ wui he hiɔ; nyɛ hu nyɛ ngɔ ha nɛ nyɛ ko he hiɔwo.”
Mɛni be a kɛ gbeɔ ní kasemi ɔ tsuo nya?
Be abɔ nɛ waa kɛ kaseɔ Baiblo ɔ daa si ngɛ ní kaselɔ ɔ nɔ. Mɛni Tutuutu ji Baiblo ɔ Tsɔɔmi? womi ɔ hɛɛ yi kakaaka 19. O ma nyɛ maa kase womi ɔ tsuo loo e fã ko bɔ nɛ e maa da mo.
Anɛ e sa kaa ma ba pee Yehowa Odasefo no lo?
Dɛbi. Wa le kaa nɔ tsuaa nɔ ngɛ he blɔ nɛ e hlaa nɔ́ nɛ e suɔ kaa e ma he ye. Se ke nihi le Baiblo ɔ sisije tsɔɔmi ɔ, e ma nyɛ maa ye bua mɛ konɛ a muɔ a yi mi kpɔ ngɛ blɔ nɛ da nɔ.
Jije ma na ní kasemi ɔ he sanehi fuu ngɛ?
O ma nyɛ maa na níhi nɛ Yehowa Odasefohi heɔ yeɔ kɛ a ní tsumi ɔ he ní fuu ngɛ Intanɛti ní tsumi he nɛ ji, jw.org/ada nɔ.
Mɛni blɔ nɔ nɛ ma gu kɛ bi nɛ a kɛ mi nɛ ba kase Baiblo ɔ?
-
Mo bi kɛ gu www.jw.org/ada nɔ.
-
Moo ngma kɛ ya adrɛs nɛ ngɛ womi tɛtlɛɛ nɛ ɔ ba fa enyɔ ɔ mi nɔ́ nɛ kɛ o he kɛ we.
Eko ɔ, O Bua Maa Jɔ Enɛ ɔ Hu He
BAIBLO KASEMI NÍHI A PEEMI
A Peeɔ Womihi Babauu Konɛ A Kɛ Tsɔɔ Nihi Mawu He Ní Ngɛ Je Kɛ Wɛ
Yehowa Odasefohi ngɛ womi fiami hehi 15 ngɛ je ɔ mi tsuo, nɛ a peeɔ Baiblo kasemi womi slɔɔtohi ngɛ gbi 700 a mi.
WA HE SANEHI
Kɛ Wa Peeɔ Baiblo Mi Ní Kasemi Ha Kɛɛ?
Ngɛ je ɔ mi tsuo ɔ, a le Yehowa Odasefohi kaa a kɛ nihi kaseɔ Baiblo ɔ nɛ a he we sika. Moo hyɛ bɔ nɛ a peeɔ lɛ ha.
WA HE SANEHI
Mo Bi Nɛ A Ba Slaa Mo
Nyɛ ma nyɛ ma susu Baiblo mi sane bimi ko he, aloo nyɛ ma nyɛ maa kase Yehowa Odasefohi a he ní.
WA HE SANEHI
Mɛni He Je Nɛ E Sa Kaa Waa Kase Baiblo ɔ?
Baiblo ɔ ngɛ nihi ayɔhi abɔ nɛ a ngɛ je ɔ mi tsuo ɔ si himi mi sane bimihi nɛ a he hia a heto hae. Anɛ mo hu o suɔ kaa a ha mo sane bimi nɛ ɔmɛ a heto lo?
