Baiblo Mi Sane Bimihi Nɛ A Ha Heto
Mɛni blɔ nɔ wa náa Yesu gbenɔ ɔ he se ngɛ?
Benɛ Mawu bɔ adesahi ɔ, e to e yi mi kaa a hi si ngɛ zugba a nɔ kɛ ya neneene, nɛ́ a ko nu hiɔ, nɛ a ko gbo hulɔ. Se Adam gbo Bɔlɔ ɔ nɔ tue nɛ e gbo. Akɛnɛ Adam bimɛ ji wɔ he je ɔ, e gbenɔ ɔ sã wɔ. (Roma Bi 5:8, 12; 6:23) Yehowa nɛ ji anɔkuale Mawu ɔ tsɔ e Bi Yesu kɛ ba zugba a nɔ nɛ e ba gbo konɛ wa nine nɛ su nɔ́ nɛ Adam ha nɛ e bɔ wɔ ɔ nɔ.—Kane Yohane 3:16.
Yesu gbo konɛ adesahi nɛ a nyɛ nɛ a ná neneene wami. Ke gbenɔ be hu ɔ, kɛ o susu kaa si himi maa hi ngɛ zugba a nɔ kɛɛ?
Kɛ gu Yesu gbenɔ ɔ nɔ ɔ, Mawu kɛ wa yayami ma nyɛ maa pa wɔ, nɛ wa ma ná neneene wami. Baiblo ɔ tsɔɔ bɔ nɛ si himi maa hi ha ngɛ zugba a nɔ ke bwɔmi, hiɔ, kɛ gbenɔ be hu.—Kane Yesaya 25:8; 33:24; Kpojemi 21:4, 5.
Mɛni blɔ nɔ e sa kaa waa gu kɛ kai Yesu gbenɔ ɔ?
Gbɔkuɛ nɛ e nɔ jena Yesu ma gbo ɔ, e de e se nyɛɛli ɔmɛ kaa a ye gbijlɔ ko kɛ kai e gbe nɔ ɔ. Ke wa peeɔ jã daa jeha kɛ kaiɔ Yesu gbenɔ ɔ, lɔ ɔ ma ha nɛ wa ma susu suɔmi agbo nɛ Yesu kɛ Yehowa je kpo kɛ ha adesahi ɔ he.—Kane Luka 22:19, 20; 1 Yohane 4:9, 10.
Jeha nɛ ɔ, a maa ye Yesu gbenɔ ɔ Kaimi ɔ Hɔɛgbi, April 14, benɛ pu nɔ si. Wa ngɛ mo nine fɔe kaa o ya piɛɛ Yehowa Odasefohi nɛ a ngɛ o kpɔ ɔ mi ɔ a he kɛ ye gbijlɔ nɛ ɔ.—Kane Roma Bi 1:11, 12.
Eko ɔ, O Bua Maa Jɔ Enɛ ɔ Hu He
WA HE SANEHI
Yesu Gbenɔ ɔ Kaimi
Yehowa Odasefohi ngɛ mo nine fɔe nɛ o ya Yesu gbenɔ ɔ Kaimi ɔ nɛ a maa pee ngɛ April 12, 2025 ɔ.
BAIBLO MI SANE BIMIHI NƐ A HA HETO
Yesu He ɔ Nihi A Yi Wami—Ngɛ Mɛni Blɔ Nɔ?
Mɛni he je nɛ e he hia nɛ Yesu nɛ kpa pɛɛ ha wɔ ɔ? Anɛ hemi kɛ yemi nɛ wa ma ná ngɛ Yesu mi ɔ pɛ lɛ ma ha nɛ wa ná yi wami hemi lo?
