Mawu bɔɛ Abosiami, mohu ɔ, Mawu bɔ bɔfo ko nɛ pee se ɔ, e ba plɛ e he pee Abosiami, nɛ a tsɛɛ lɛ hu ke Satan. Yesu tsɔɔ kaa be ko nɛ be ɔ, Abosiami ji anɔkualetsɛ nɛ piami ko be e he. Enɛ ɔ tsɔɔ kaa sisije ɔ, Abosiami ji Mawu bɔfohi nɛ a yeɔ anɔkuale ɔ a kpɛti nɔ kake.—Kane Yohane 8:44.

Bɔfo nɛ e ba plɛ e he pee Abosiami ɔ te si kɛ wo Mawu, nɛ e sisi Adam kɛ Hawa nɛ a piɛɛ e he. Kɛ gu enɛ ɔ nɔ ɔ, e ba plɛ pee Satan, nɛ e sisi ji, “Nɔ Nɛ Teɔ Si Kɛ Woɔ Nɔ.”—Kane 1 Mose 3:1-5; Kpojemi 12:9.

Bɔfo nɛ e ba plɛ pee Abosiami ɔ hu ngɛ he blɔ kaa e maa hla kaa e maa pee nɔ́ kpakpa aloo nɔ́ yaya kaa bɔnɛ e ji ngɛ hiɔwe bɔfohi kɛ adesahi a blɔ fa mi ɔ, se e suɔ kaa a ja lɛ. E ngɛ hɛ mi nyami hlae wawɛɛ pe Mawu hɛ mi nɛ e maa sa.—Kane Mateo 4:8, 9; Yakobo 1:13, 14.

Mɛni blɔ nɔ Abosiami náa nihi a nɔ he wami ngɛ? Anɛ e sa nɛ o ye lɛ gbeye lo? O ma nyɛ maa na sane bimi nɛ ɔmɛ a hetohi ngɛ Baiblo ɔ mi.