HWƆƆMI MƆ—NƆ́ NƐ A MAA KASE March 2017
Munyuhi nɛ a maa kase kɛ je May 1-28, 2017.
NƆ HE SANE
I Kɛ Ní Leli Bɔ Nɛ I Ná He Se
William Samuelson sɔmɔ kaa be tsuo sɔmɔlɔ, nɛ e tsu ní tsumihi fuu, ekomɛ ngɛ bua jɔmi, nɛ ekomɛ a he wa bɔɔ.
Ngɔɔ Hɛ Mi Nyami Kɛ Ha Nihi Nɛ Sa Hɛ Mi
Mɛnɔmɛ nɛ a sa hɛ mi nyami, nɛ mɛni he je? Ke o wo a hɛ mi nyami ɔ, mɛni se o ma ná?
Mo Ná Hemi Kɛ Yemi
Juɛmi komɛ nɛ o peeɔ ɔ ma nyɛ maa pee wami loo gbenɔ kɛ ha mo. Mɛni ma nyɛ maa ye bua mo konɛ o pee juɛmi nɛ da?
Sɔmɔ Yehowa Kɛ O Tsui Tsuo!
Yuda matsɛmɛ nɛ ji Asa, Yehoshafat, Hezekia, kɛ Yosia tsuo tɔ̃ tɔmi komɛ. Se kɛ̃ ɔ, Mawu bu mɛ kaa nihi nɛ a ngɔ a tsui tsuo kɛ sɔmɔ lɛ. Mɛni he je?
Anɛ O Maa Kase Ní Kɛ Je Níhi Nɛ A Ngma a Mi Lo?
O ma nyɛ maa kase ní kɛ je ni kpahi a tɔmihi a mi. Tɔmihi nɛ a tu he munyu ngɛ Baiblo ɔ mi ɔ hu piɛɛ he.
Moo Pee O He Huɛ Kpakpa Ke Nɔ́ Ko Miɔ Nɛ E Ma Puɛ Nyɛ Huɛ Bɔmi ɔ Po
Be ko maa su nɛ eko ɔ, e ma bi nɛ o ye bua o huɛ ko nɛ hia yemi kɛ buami wawɛɛ. Mɛni o ma nyɛ maa pee kɛ ye bua lɛ?
A Na Baiblo Mi Biɛ Ko Ngɛ Blema Buɛ Ko He
Ngɛ jeha 2012 ɔ mi ɔ, a na buɛ ko nɛ ye maa pee jeha 3,000 nɛ e ywia ngɛ zu mi. Nihi nɛ a tsuaa si kɛ hlaa blema níhi a mi ɔ a bua jɔ wawɛɛ. Mɛni he je?
