Benɛ Yesu ngɛ zugba a nɔ ɔ, e je suɔmi agbo kpo kɛ tsɔɔ nihi, titli ɔ nihi nɛ a ngɛ ohia yee kɛ nihi nɛ a hao wawɛɛ ɔ. (Mateo 9:36) E ngɔ e wami kɛ sã afɔle ngɛ adesahi a he po, konɛ a ná he se. (Mateo 20:28; Yohane 15:13) E be kɛe nɛ e maa kpale pee nɔ́ ko kɛ je suɔmi kpo kɛ tsɔɔ adesahi, kɛ gu he blɔ nɛ e ngɛ kaa Mawu Matsɛ Yemi ɔ nya Matsɛ nɛ́ e maa ngɔ kɛ tsu ní kɛ po ohia se ngɛ je ɔ mi tsuo ɔ nɔ.

 Baiblo ɔ ngɔ munyuhi nɛ sa kadimi kɛ kale nɔ́ nɛ Yesu maa pee ɔ:

•   ‘Matsɛ ɔ nɛ ye ohiatsɛmɛ a sane ha mɛ. É piɛɛ dɛgutsɛmɛ a he.’​—La 72:4.

 Mɛni wa maa pee kɛ je hɛsa kpo ngɛ níhi tsuo nɛ Yesu pee kɛ níhi nɛ e be kɛe nɛ e maa pee kɛ ha wɔ ɔ he? Ngɛ Luka 22:19 ɔ, Yesu de e se nyɛɛli kaa a kai e gbenɔ ɔ. Enɛ ɔ he je ɔ, daa jeha a, Yehowa Odasefohi kpeɔ nɛ a kaiɔ Yesu gbenɔ ɔ. Wa ngɛ mo nine fɔe nɛ o ba piɛɛ wa he kɛ ye Yesu gbenɔ ɔ Kaimi ɔ ngɛ Hɔgba, March 24, 2024 ɔ nɔ.

Hla He Nɛ A Maa Pee Kaimi ɔ Ngɛ