E sa nɛ fo tulɔ nɛ ya nɔ nɛ e tsɔse e he konɛ e pee fo tulɔ nɛ he be. Jã kɛ̃ nɛ e sa nɛ wɔ hu waa ya nɔ nɛ waa bɔ mɔde nɛ wa tsɔse wa juɛmi nɛ waa kɛ kɔɔ nɔ́ se ɔ. (Heb 5:14) Eko ɔ, e maa pee wɔ kaa waa da yi mi kpɔhi nɛ ni kpahi mwɔ ɔ nɔ kɛ mwɔ wa yi mi kpɔ, se e sa nɛ wa susu níhi a he nɛ waa mwɔ wɔ nitsɛmɛ wa yi mi kpɔ. Mɛni he je? Ejakaa wa ti nɔ fɛɛ nɔ maa bu akɔtaa ngɛ yi mi kpɔhi nɛ e mwɔ ɔ he.—Ro 14:12.

E sɛ nɛ wa susu kaa akɛnɛ a baptisi wɔ jehahi babauu he je ɔ, wa ma nyɛ maa mwɔ yi mi kpɔhi nɛ da. Loko wa ma nyɛ maa mwɔ yi mi kpɔhi nɛ da a, ja wa ngɔ wa hɛ kɛ fɔ Yehowa, e Munyu ɔ kɛ e we asafo ɔ nɔ kulaa.—Yosh 1:7, 8; Abɛ 3:5, 6; Mat 24:45.

NYƐƐ HYƐ VIDEO NƐ JI, “NYƐƐ YA NƆ NƐ NYƐƐ HƐƐ HE NILE KPAKPA MI,” LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni yi mi kpɔ nɛ e sa nɛ Emma nɛ e mwɔ?

• Mɛni he je nɛ e sɛ nɛ waa tsɔɔ nihi níhi nɛ wɔɔ wa susu ngɛ sanehi nɛ e sa nɛ nɔ nitsɛ nɛ da e he nile nɔ kɛ mwɔ e yi mi kpɔ ngɛ he ɔ he?

• Mɛni ga womi nɛ nile ngɛ mi nɛ nyɛminyumu ko kɛ e yo kɛ ha Emma?

• Jije Emma na sanehi nɛ maa ye bua lɛ nɛ kɔɔ e si fɔfɔɛ ɔ he ngɛ?