NƆ́ HE JE NƐ E HE HIA: Nihi fuu nɛ a bua jɔ Matsɛ Yemi sɛ gbi ɔ he ɔ suɔ kaa a maa le Mawu he anɔkuale. (Yes 55:6) Loko wa ma nyɛ maa ya nɔ maa tsɔɔ mɛ ní ɔ, ja wa pɔɔ mɛ slaami. Nihi kɛ haomi slɔɔtohi kpeɔ mwɔnɛ ɔ, lɔ ɔ he ɔ, e sa kaa waa gu blɔ slɔɔtohi a nɔ kɛ ye bua a ti nɔ fɛɛ konɛ a bua nɛ jɔ anɔkuale ɔ he. Se be fɛɛ be nɛ wa ma ya slaa mɛ ɔ, e sa nɛ wa dla wa he saminya, nɛ waa ngɔ oti ko kɛ ma wa hɛ mi, konɛ wa nyɛ nɛ waa kɛ mɛ nɛ je Baiblo mi ní kasemi sisi.

BLƆ NƆ NƐ O MAA GU KƐ PEE:

• Moo bɔ mɔde nɛ o kpale ya slaa nɔ ɔ mla, eko ɔ, ligbi bɔɔ komɛ a se.—Mat 13:19

• Mo je huɛ bɔmi su kɛ bumi kpo kɛ tsɔɔ lɛ. Moo to o tsui si kɛ tu munyu

• O kɛ bua jɔmi nɛ nga wetsɛ ɔ. Ngɔɔ e biɛ kɛ tsɛ lɛ. Mo kai lɛ nɔ́ he je nɛ o kpale ba e ngɔ. Eko ɔ, konɛ o ha sane bimi ko heto, aloo o ha lɛ womi tɛtlɛɛ ko, aloo o tsɔɔ lɛ wa wɛbsaiti ɔ, aloo o je video ko kɛ tsɔɔ lɛ, aloo o tsɔɔ lɛ bɔ nɛ waa kɛ nihi peeɔ Baiblo mi ní kasemi ha. Ke e tu nɔ́ kpa ko he munyu ɔ, o kɛ lɛ nɛ sɛɛ lɔ ɔ mohu he ní.​—Flp 2:4

• O kɛ wetsɛ ɔ ma nyɛ ma susu munyu ko he ngɛ Ngmami ɔ mi, aloo o ma nyɛ ma ha lɛ womi konɛ o kɛ pue anɔkuale nɛ o du ngɛ e tsui mi ɔ nɔ nyu. (1Kor 3:6) Ha huɛ bɔmi kpakpa nɛ hi nyɛ kpɛti

• Moo tsɔɔ lɛ nɔ́ nɛ nyɛ maa kase pee se