La 70:1-5
-
Sɔlemi nɛ a kɛ oya yemi sɔle kɛ bi yemi kɛ buami
-
“Ba je ngmlaa ha mi esɔ” (5)
-
Kɛ ha la nɔ hyɛlɔ ɔ. La nɛ David po nɛ́ e pee kaimi nɔ́.*
70 Ao Mawu, mo he ye yi wami.Ao Yehowa, moo ye oya nɛ o ba ye bua mi.
2 Nihi nɛ a ngɛ hlae nɛ a gbe mi ɔ,*Zo nɛ gbe mɛ nɛ a hɛ mi nɛ pue si.
Nihi nɛ a ngɛ hlae nɛ ma na nɔ́ ɔ,Á kɛ hɛ mi si puemi nɛ kpale a se.
3 Nihi nɛ a ngɛ dee ke: “Ɛhɛɛ! Ɛhɛɛ!” ɔ,
Á kpale mɛ kɛ ho ngɛ hɛ mi si puemi mi.
4 Se nihi nɛ hlaa o se blɔ ɔ,Ha nɛ a nya, nɛ a bua nɛ jɔ ngɛ o mi.
Nihi nɛ a suɔ yi wami hemi níhi nɛ o peeɔ ɔ nɛ́ a de be fɛɛ be ke:
“Á wo Mawu nɔ gojoo!”
5 Se ohiatsɛ kɛ nɔ nɛ be yemi kɛ bualɔ ji mi;Ye Mawu, ba je ngmlaa ha mi esɔ.
Mo ji ye yemi kɛ bualɔ kɛ ye kpɔlɔ;Yehowa ye Mawu, koo to tsle.
