La 56:1-13
Kɛ ha la nɔ hyɛlɔ ɔ; a kɛ fɔ̃ “Beleku Lahuɛ Nɛ Pee Dii Nɛ Ngɛ Tsitsaa a.” David la. Miktam.* Benɛ Filistibi ɔmɛ nu lɛ ngɛ Gat ɔ.
56 Ao Mawu, naa mi mɔbɔ, ejakaa nɔmlɔ adesa* ngɛ mi tuae.*
A kɛ mi ngɛ hwue, nɛ a ngɛ mi yi mi wae ligbi ɔ tsuo.
2 Daa ligbi ɔ, ye he nyɛli ɔmɛ yaa nɔ nɛ a kɔ̃ɔ mi;Nihi fuu kɛ he nɔ womi ngɛ hwue kɛ ngɛ mi sie.
3 Ke i ngɛ gbeye yee ɔ, i ngɔɔ ye hɛ kɛ fɔɔ o nɔ.
4 I ngɔ ye hɛ kɛ fɔ Mawu nɔ, ma na lɛ si ngɛ e munyu ɔ he je,Mawu nɔ lɛ i ngɔ ye hɛ kɛ fɔ; i yi gbeye.
Mɛni nɔmlɔ adesa* ma nyɛ maa pee mi?
5 Daa ligbi ɔ, a haoɔ mi;A susumi pɛ ji kaa á ye mi awi.
6 A laa a he konɛ a tua mi;A ngɛ ye nane hiami tsuo hyɛe,Kɛ yi mi tomi ɔ kaa a maa gbe mi.*
7 Mo kua mɛ ngɛ a yi wu tso ní peepee ɔmɛ a he je.
Oo Mawu, moo tsɛ̃ je ma amɛ kɛ pue si ngɛ o we abofu ɔ mi.
8 O naa ye lalaalo womi ɔ tsuo.
Moo ngɔ ye vonyu ɔ kɛ wo o lohwe he womi tɔ ɔ mi.
Anɛ a ngmɛ ní nɛ ɔmɛ ngɛ o womi ɔ mi lo?
9 Ligbi nɛ ma kpa ngmlaa kɛ bi yemi kɛ buami ɔ, ye he nyɛli ɔmɛ maa kpale a se.
I ngɛ nɔ mi mami kaa Mawu kɛ mi ngɛ.
10 I ngɔ ye hɛ kɛ fɔ Mawu nɔ, ma na lɛ si ngɛ e munyu ɔ he je,I ngɔ ye hɛ kɛ fɔ Yehowa nɔ, ma na lɛ si ngɛ e munyu ɔ he je,
11 Mawu nɔ lɛ i ngɔ ye hɛ kɛ fɔ; i yi gbeye.
Mɛni nɔmlɔ adesa ma nyɛ maa pee mi?
12 Oo Mawu, kitahi nɛ i kã mo ɔ, ma ye a nɔ;Ma na mo si.
13 Ejakaa o kpɔ̃ mi* kɛ je gbenɔ dɛ mi,Nɛ o ha we nɛ ye nane nɛ tɛ nɔ́,Konɛ ma ya nɔ nɛ ma hi wami mi, nɛ ma nyɛɛ ngɛ Mawu hɛ mi.
Sisi Ningmahi
^ Ngɛ Hebri gbi mi ɔ, “adesa nɛ gboɔ.”
^ Aloo “ngɛ mi kɔ̃ɔe.”
^ Ngɛ Hebri gbi mi ɔ, “Mɛni he lo.”
^ Aloo “a maa ngɔ ye klaa.”
^ Aloo “ye klaa.”
