La 26:1-12
David la.
26 Oo Yehowa, moo kojo mi, ejakaa i yeɔ mo anɔkuale;I ngɛ hɛ kɛ nɔ fɔmi ngɛ Yehowa mi, nɛ ye hɛ kɛ nɔ fɔmi ɔ mimiɛ we.
2 Oo Yehowa, moo hyɛ ye mi, nɛ o ka mi nɛ o hyɛ;Moo tsu ye susumi* kɛ ye tsui he.
3 I pueɔ ye yi mi tɛ ngɛ o suɔmi nɛ se pui ɔ he be fɛɛ be,Nɛ i nyɛɛɔ ngɛ o we anɔkuale ɔ mi.
4 I kɛ nɔ sisili bɔɛ,*Nɛ i yuɔ ye he ngɛ osatotsɛmɛ* a he.
5 I sume he nɛ yayami peeli bua a he nya ngɛ,Nɛ i kɛ yiwutsotsɛmɛ bɔɛ.*
6 Oo Yehowa, ma fɔ ye dɛ kɛ tsɔɔ kaa sane ko be ye he,Nɛ ma nyɛɛ kɛ bɔle o we afɔle sami latɛ ɔ,
7 Konɛ ma ha nɛ a nu ye sina a he,Nɛ́ ma jaje nyakpɛ níhi nɛ o peeɔ ɔ kɛ tsɔɔ.
8 Yehowa, i suɔ we nɛ o ngɛ mi ɔ,He nɛ o hɛ mi nyami ɔ ngɛ ɔ.
9 Koo bɛɛ mi* kɛ piɛɛ yayami peeli a he kɛ ho,Nɛ koo gbe mi kɛ piɛɛ yiwutsotsɛmɛ* a he hulɔ,
10 Nɛ ji nihi nɛ a kɛ a nine tsuɔ zo ní,Nɛ́ nyɔ mi ní hyi a hiɔ nine mi tɔ ɔ.
11 Se imi lɛɛ ma nyɛɛ ngɛ ye we anɔkuale yemi ɔ mi.
Mo kpɔ̃ mi nɛ o na mi mɔbɔ.
12 Ye nane maa si ngɛ he nɛ ngɛ slɔkee;Ma je Yehowa yi ngɛ asafo ngua* a mi.
Sisi Ningmahi
^ Aloo “Moo tsu bɔ nɛ i nuɔ he ha ngɛ ye mi ɔ.” Ngɛ Hebri gbi mi ɔ, “ye se tso mi ngmɛ.”
^ Ngɛ Hebri gbi mi ɔ, “nɔ sisili hí si.”
^ Aloo “i yuɔ ye he ngɛ nihi nɛ a laa bɔ nɛ a ngɛ ha tutuutu ɔ nɔ ɔ.”
^ Ngɛ Hebri gbi mi ɔ, “hí si.”
^ Aloo “ye klaa.”
^ Aloo “muɔ si pueli.”
^ Ngɛ Hebri gbi mi ɔ, “ngɛ kpehi.”
