Hiob 30:1-31
30 “Se amlɔ nɛ ɔ, a ngɛ mi muɔeNihi nɛ i wa pe mɛ,Nɛ́ a tsɛmɛ po i kɛ mɛ beGbehi nɛ a buɔ ye to ɔmɛ a he ɔ he piɛe ɔ.
2 Mɛni se nami lɛ ngɛ he wami nɛ ngɛ a nine mi ɔ he kɛ ha mi?
A he wami ɔ tsuo ta.
3 Ohia kɛ hwɔ ha nɛ a ta he lo;A kɔ̃ɔ̃ nɔ́ fɛɛ nɔ́ nɛ a na ngɛ zugba gbigbli nɔZugba nɛ hɛ mi kpata nɛ e pee ma doku ɔ.
4 A buaa ngo ba nya kɛ jeɔ nga amɛ a mi;A niye ní ji nga nɔ tsohi a sipoku.
5 A fieeɔ mɛ kɛ jeɔ nimli a kpɛti;Nihi hwɔɔ a yi kaa bɔ nɛ a hwɔɔ julɔ yi ɔ.
6 A hiɔ dɔgbahi a mi,*Kɛ muɔhi nɛ a ngɛ zugba a kɛ tɛsahi a mi ɔ mi.
7 A kpaa ngmlaa kɛ jeɔ nga amɛ a miNɛ a buaa a he nya ngɛ tsohi nɛ miohi ngɛ a he ɔ a kpɛti.
8 A fiee mɛ* kɛ je zugba a nɔ,Kaa kuasiahi kɛ nihi nɛ a be biɛ a bimɛ.
9 Se amlɔ nɛ ɔ, a yeɔ ye he fɛu ngɛ a lahi a mi po;I ba plɛ pee he guɛ gbemi nɔ́* kɛ ha mɛ.
10 A hiee mi nɛ a hɛɛ mɛ kɛ jeɔ ye kasa nya kulaa;A kɛ oya yemi laa lada kɛ pueɔ ye hɛ mi.
11 Akɛnɛ Mawu ha nɛ i gbɔjɔ* nɛ e ba mi si he je ɔ,A bui mi fɛɛ, nɛ a deɔ nɔ́ fɛɛ nɔ́ nɛ a suɔ ngɛ ye hɛ mi.*
12 A teɔ si ngɛ ye hiɔ nɔ kaa ojo fiali;A haa nɛ i tuɔ foNɛ a kɛ blɔ tsimi níhi nɛ kpataa nɔ hɛ mi ɔ fɔɔ ye blɔ ɔ mi.
13 A puɛ blɔhi nɛ i nyɛɛɔ nɔ ɔNɛ a ha nɛ ye haomi ɔ mi wa,Nɛ nɔ ko be nɛ maa tsi a nya.*
14 A baa ye nɔ kaa nɔ́ nɛ a gu gbogbo nɛ́ puɔ agbo ko ngɛ mi ɔ mi kɛ ba;A kpɛneɔ kɛ baa ngɛ ye haomi be mi.
15 Gbeye nuɔ mi;A fiee ye hɛ mi nyami ɔ kɛ je kaa kɔɔhiɔ,Nɛ ye yi wami hemi ɔ laa kaa bɔku.
16 Amlɔ nɛ ɔ, ye gbenɔ be su ta;Amanehlu behi ba ná mi.
17 Ye wuhi a mi kpeɔ mi* nyɔ mi.Nɛ yeyee ɔ nya bɛ si gblee.
18 A kɛ he wami gbla ye tade ɔ;*Nɛ e mia mi kaa ye tade kuɛmi.
19 Mawu sake mi kɛ fɔ mɔsɔ mi;I pee kaa bunyuku kɛ lazu.
20 I fo ya kɛ tsɛ mo, se o he we nɔ;I te da si, se o hyɛ mi gaa.
21 O kɛ yi mi wami te si kɛ wo mi;O kɛ he wami tsuo nɛ ngɛ o nine mi ɔ tua mi.
22 O wo ye nɔ, nɛ o ha nɛ kɔɔhiɔ wo mi kɛ ho;Kɛkɛ nɛ o fɔ mi kɛ ya kɛ ba ngɛ kɔɔhiɔ nɛ nya wa mi.*
23 Ejakaa i le kaa o maa ngɔ mi kɛ wo gbenɔ dɛ mi,O maa ngɔ mi kɛ ya we nɛ nihi tsuo nɛ a ngɛ wami mi ɔ ma ya kpe ngɛ mi ɔ mi.
24 Se nɔ ko be nyumu nɛ e kuɔ* nɔ́ fiaeBenɛ e ngɛ ya foe kɛ ha yemi kɛ buami ngɛ e haomi be mi ɔ.
25 Anɛ i fo we ya kɛ ha nihi nɛ a sɛ haomi mi ɔ lo?*
Anɛ i* yi aywilɛho kɛ ha ohiatsɛmɛ lo?
26 E ngɛ mi kaa i ngɛ nɔ́ kpakpa blɔ hyɛe mohu lɛɛ, se nɔ́ yaya mohu lɛ ba;I hyɛ blɔ kaa ma na la, se diblii mohu lɛ ba.
27 Ye tsui hao ngɛ ye mi;Amanehlu behi ba ná mi.
28 I nyɛɛɔ mɔbɔmɔbɔ; pu la ko kulaa be.
I teɔ si nɛ i biɔ yemi kɛ buami ngɛ nimli asafo ɔ ngɔ.
29 I plɛ pee nga mi gbehi a nyɛmiKɛ duguma biyihi a huɛ.
30 Ye he womi yu tuu nɛ e kpɔ ngɛ ye he;Ye hiɔ ɔ* ha nɛ ye wu ɔmɛ dɔ la.
31 Aywilɛho pɛ lɛ a fiaa ye saku ɔ kɛ yeɔ,Nɛ ye bɛ ɔ ngɛ kɛ ha nihi nɛ a ngɛ ya foe ɔ.
Sisi Ningmahi
^ Aloo “dɔhi a nɔ.”
^ Ngɛ Hebri gbi mi ɔ, “a fiaa mɛ kpa.”
^ Ngɛ Hebri gbi mi ɔ, “abɛ bumi nɔ́.”
^ Ngɛ Hebri gbi mi ɔ, “ha nɛ ye kɛ̃ɛ̃ mi kpa a mi jɔ.”
^ Aloo “a wui a lilɛ kpa ngɛ ye hɛ mi.”
^ Baiblo komɛ de ke “Nɛ nɔ ko be nɛ ngɛ mɛ ye buae.”
^ Ngɛ Hebri gbi mi ɔ, “A gbu puɔhi ngɛ ye wuhi a mi.”
^ Baiblo komɛ de ke “Bɔ nɛ ye amanehlu ɔ nya wa haa, ha nɛ i tsake.”
^ Baiblo komɛ de ke “o kɛ ahumi sile mi.”
^ Ngɛ Hebri gbi mi ɔ, “níhi nɛ a puɛ ɔ.”
^ Aloo “nɛ a kɛ ligbihi nɛ a mi wa ngɛ kpee lo?”
^ Aloo “ye klaa.”
^ Baiblo komɛ de ke “Asla.”
