BAIBLO MI NÍ KASEMI NƐ NƆ KO MAA YE BUA MO
O Ma Nyɛ Ma Ná Bua Jɔmi Kɛ Ya Neneene!
Ngɛ Baiblo mi ní kasemi nɛ a he we nɔ́ ko nɛ ɔ mi ɔ, o maa na sane bimihi nɛ nyɛɛ se nɛ ɔmɛ a heto:
Mɛni blɔ nɔ ma gu kɛ ná bua jɔmi ngɛ si himi mi?
Anɛ yi wu tso ní peepee kɛ nɔ́ nami se maa po ligbi ko lo?
Anɛ ligbi ko maa ba nɛ ma na ye suɔli nɛ a gbo ɔ lo?
Anɛ Mawu susuɔ ye he niinɛ lo?
Mɛni blɔ nɔ ma gu kɛ sɔle nɛ Mawu maa bu tue?
A He We Sika
O be sika ko woe ngɛ ní kasemi nɛ ɔ he. A ma ha mo O Ma Nyɛ Ma Ná Bua Jɔmi Kɛ Ya Neneene! womiyo ɔ eko, nɛ ke o hia Baiblo ɔ, a ma ha mo eko.
Be Nɛ Maa Hi Ha Mo
O kɛ nɔ nɛ e kɛ mo maa kase ní ɔ ma nyɛ maa kpe kɛ kase ní ɔ, aloo nyɛ ma nyɛ maa kase ní ɔ ngɛ tɛlifoo aloo video nɔ, ngɛ be kɛ he nɛ maa hi ha mo.
A Be O Nɔ Nyɛe
Ke o suɔ kaa o ma kpa ní ɔ kasemi ɔ, a be o nya tsie.
Kɛ wa Baiblo mi ní kasemi ɔ yaa nɔ ha kɛɛ?
Yehowa Odasefo ɔmɛ a kpɛti nɔ kake maa ye bua mo konɛ o nu Baiblo ɔ sisi. E kɛ mo ma susu Baiblo ɔ mi munyu komɛ a he kakaaka. Womi nɛ ji O Ma Nyɛ Ma Ná Bua Jɔmi Kɛ Ya Neneene! ɔ nɛ a kɛ mo maa kase ɔ ma ha nɛ o nu Baiblo ɔ sisi bɔɔbɔɔbɔɔ, nɛ o maa na bɔ nɛ Baiblo ɔ ma nyɛ maa ye bua mo ha ngɛ o si himi mi. Moo hyɛ video nɛ ɔ aloo moo hyɛ sanehi nɛ nihi pɔɔ bimi kɛ kɔ ní kasemi nɛ ɔ he ɔ a heto ɔmɛ, konɛ o le níhi fuu kɛ kɔ ní kasemi ɔ he.
O maa suɔ nɛ o le womi ɔ mi ní komɛ lo?
Moo hyɛ sisije ní kasemi ɔmɛ nɛ a ngɛ womi ɔ mi ɔ.
O maa ka nɛ o hyɛ lo?
Moo nyɛ ningma nɛ ngɛ sisi ɔ nɔ konɛ o tsɔɔ be nɛ o suɔ kaa o maa je Baiblo ɔ kasemi sisi.