LOK MA I POK NGEYE | ANGAGI MA GUBEDO LUCADEN PA JEHOVAH?
Gin Ango ma Lucaden pa Jehovah Giye Iye?
Lucaden pa Jehovah giye ni: “Ginacoya ducu ma yam gicoyo, gicoyo pi teko pa cwiny pa Lubanga. Konyo.” (2 Temceo 3:16) Wan watiyo ki Baibul me ngeyo lok i kom Lacwecwa ki dok me kwo kwo ma tye ki tyen lok.
Baibul waco ni: “Wek gunge ni, in keni aye ma nyingi Rwot [Jehovah], in aye Ngat Mamalo Twal ma loyo wi lobo-ni ducu.” (Jabuli 83:18) Pi meno, waworo Lubanga Jehovah keken dok wan macalo Lucadenne watute wek dano gunge nyinge.—Icaya 43:10-12.
Macalo Lukricitayo, wan waye ni Yecu “Wod pa Lubanga,” * ma obino i lobo ci odoko Meciya. (Jon 1:34, 41; 4:25, 26) I nge tone, kicere me kwo i polo. (1 Jo Korint 15:3, 4) Lacen, en odoko Kabaka me Ker pa Lubanga. (Niyabo 11:15) Ker meno aye gamente kikome ma bikelo Paradic i lobo. (Daniel 2:44) Baibul waco ni: “Jo mamwol aye gibicamo lobo; gibibedo ki yomcwiny pi lonyo madwong ma gibilimo.”—Jabuli 37:11, 29.
“Ka guwano ki i Baibul, gin giye ni Lubanga nongo tye ka lok kwedgi. Ka peko odiyogi, gikwanyo lok pa Lubanga ci giyenyo yo me cobo pekki magi ki iye. . . . Ki botgi, Lok pa Lubanga pud kwo.”—Lok pa latela dini Katoli, ma nyinge Benjamin Cherayath, ma kicoyo i gajeti me Münsterländische me lobo Germany
Lucaden pa Jehovah giye ni cik ma igi lac me Baibul romo konyo dano kadiwa i kareni. (Icaya 48:17, 18) Pi meno, walubo cik magi ma igi lac-ci ki cwinywa ducu. Me labolle, wan pe wamato taa nyo watiyo ki yadi mogo calo jayigi-ni pien Baibul cikowa me gwokke ki tim mogo ma nyweno tamwa ki dok cido komwa. (2 Jo Korint 7:1) Wagwokke bene ki tim mogo ma Baibul okwero lajwac calo mero, tim tarwang ki dong kwalo jami.—1 Jo Korint 6:9-11.
^ para. 5 Baibul bene waco ni Yecu “Wod acel keken pa Lubanga” pien kikwongo cweyo en dok Jehovah ocweye en kikome.—Jon 3:18; Jo Kolocai 1:13-15.
Itwero Bedo ki Miti i kom Lok Man
LAPENY MA KIMARO PENYONE
Gin Ango ma Lucaden pa Jehovah Giye Iye?
Nge wiye wiye jami 15 ma pigi tego ma waye iye.
PWONY MA PIGI TEGO ME BAIBUL
Lubanga Mono Tye ki Nyinge?
Lubanga tye ki nying dog tic mapol, calo Won Twer Ducu, Lacwec, ki Rwot. Ento nying Lubanga kikome kitiyo kwede tyen ma romo 7,000 kulu i Baibul.
