Tika dong iyubbe pi peko mo keken ma twero poto atura i kabedowu? Oyengyeng, lapiro, mac, nyo pong pa pii twero cakke atura ci balo piny adada. Medo i kom mene, tim aranyi, jemo, nyo two ma neko dano lumuku twero cakke atura i kabedo mo keken. (Latit 9:11) Pe omyero watam ni pekki magi pe twero poto ka ma wabedo iye.

Wan ducu ki acel acel myero watim gin mo keken ma watwero wek wabed atera ka pekki magi opoto. (Car 22:3) Kadi bed dul pa Jehovah miyo kony ka ma peko opoto iye atura, wan ducu pud myero wayubbe pi pekki magi.​—Gal 6:5.

NEN VIDIO MA WIYE TYE NI TIKA DONG IYUBBE PI PEKO MA POTO ATURA? CI IGAM LAPENY MAGI:

• Bedo ki wat macok ki Jehovah twero konyowa nining ka ce peko opoto atura?

• Pingo pire tek me . . .

  • • kubbe ki luelda ma peya peko opoto, ka peko opoto nyo i ngeye?

  • • gwoko jami ma bimitte ka peko opoto atura?​—g17.5-E 6

  • • nyamo pekki mapatpat ma twero poto ki gin me atima?

• Jami adek mene ma watwero timone me konyo jo mukene ka ce peko opoto i komgi?