Bute man pwonyowa lok i kom lutino, lunebi, ki kabaka mogo ma gunyuto niye matek i kom Jehovah. I lobo Ciria, latin anyaka mo ma Laicrael onongo tye ki niye ni lanebi pa Jehovah twero cango Naaman. Lanebi Elia onongo tye ki gen matek ni Jehovah bigwoke ki i cing lumony ma gimito make. Lalamdog Madit ma nyinge Yekoyada oketo kwone ka mading pi gwoko Yoaci ma latin matidi ki bot daane ma kite rac, Atalia. Kabaka Kejekia obedo ki gen ni Jehovah bilaro Jerucalem, dok en pe omine i cing jo Aciria pi bwuragi. Kabaka Yocia ojwayo tim me woro cal apaya woko ki i lobo Icrael, dok odwoko dano cen i woro me ada.