Itwero byeko Ker mene ma watye ka lok i kome-ni?— Kakare, Ker pa Lubanga. Ker meno aye biloko lobo doko paradic. Tika imito pwonyo lok i kom Ker meno?—

Ker ducu bedo ki kabakane. Dok kabaka meno loyo jo me lobone. Ingeyo nga ma Kabaka me Ker pa Lubanga obedo?— Obedo Yecu Kricito. En bedo i polo. Cokcok-ki en bibedo Kabaka ma loyo dano ducu me lobo! Itamo ni wabibedo ki yomcwiny i kare ma Yecu tye Kabaka ma loyo lobo ducu?—

Cwinywa bibedo yom adada! I Paradic, lweny mo keken bibedo pe matwal. Dano ducu gibimaro luwotgi. Ngat mo pe bitwo nyo to. Lutowang gibineno piny, ludingit gibiwinyo lok, dok lungolo gibiringo kun gipye malo. Dano ducu gibibedo ki cam muromo me acama. Leyi gibibedo lurem i kingi kekengi ki dok kwedwa. Jo ma guto gibicer gikwo odoco. Pol pa co ki mon ma dong inongo pwony i komgi ki i brocuwa man calo Labeka, Rakab, Daudi ki Elia gibicer gikwo odoco! In imito rwatte  kwedgi ka dong gucer woko ki i to?—

 Jehovah mari dok mito ni ibed ma cwinyi yom. Ka imedde ki nongo pwony i kom Jehovah kun ibedo lawiny bote, ci ibibedo kwo i paradic mamwonya nakanaka! Meno aye gin ma imito?—