EMzantsi Afrika, abo baxhasa abangevayo baye babulela amaNgqina KaYehova ngokubanceda baphucule ubomi babo ngokubalungiselela iividiyo ezenziwe kakuhle zentetho yezandla yaseMzantsi Afrika (SASL). Oku kwenzeke emva kokukhululwa kwencwadi yamaGalati neyabase-Efese yeNguqulelo Yehlabathi Elitsha YeZibhalo ZamaKristu ZesiGrike ngolwimi lwentetho yezandla nge-15 kaNovemba 2021. Ngoku sele kukho iincwadi eziyi-10 zeBhayibhile ngolwimi lwentetho yezandla. Iincwadi zeBhayibhile eziyi-4 ziza kukhululwa ngoAprili 2022. Zonke ezi ncwadi ziyafumaneka ku-jw.org nakwiJW Library Sign Language app.

UMinna Steyn, oyititshala nenkokheli kuRhulumente waseNtshona Koloni uthe ngamaNgqina: “Ndiyakuthanda ukubukela abantu abathetha ngezandla ibe kufuneka ndibancome ngomsebenzi wabo osemagqabini.”

UBongani Makama, umongameli weFederation of the Disabled Eswatini, uthe: “Siyawancoma amaNgqina KaYehova ngokulungiselela abantu abangevayo nabangeva kakuhle ukuba babe nezinto abanazo nabantu abevayo.” Uphinde wathi: “Abangevayo bamele babe neBhayibhile ngolwimi lwabo. Yiyo loo nto sincoma amaNgqina kaYehova ngokunika abo bangevayo iincwadi zeBhayibhile ngolwimi lwabo. Sikhangele phambili ukuba nazo zonke iincwadi zeBhayibhile eziyi-66 ngolwimi lwentetho yezandla.”

Baphantse babeyi-450 000 eMzantsi Afrika abantu abasebenzisa intetho yezandla. Bayi-283 abavakalisi abangevayo nabangeva kakuhle eMzantsi Afrika. AmaNgqina aye anceda, “zonke iintlobo zabantu” ziyazi ngendlela echanileyo inyaniso, nabo bangevayo kwintsimi yesebe laseMzantsi Afrika.—1 Timoti 2:4.