LECCIÓN 36
Doinhe talí batatheze
Yogothe beneʼ rheenkene gápake amigo rnheke talí, Jeobá lhezekan rbezeʼ amigo kieʼ inheke talí. Sanlhe be rhon yolaj inherha talí lheʼ dzaarha lo lichhileyo ga beneʼ rziʼkeyee. Bi banheza siʼrha cheʼ inherha talí batatheze.
1. Bixhkieʼ rhala inherha talí
Katiʼ rnherha talí lhen yezikalha beneʼ, rluerha rhekerha lhen rhonrha balaʼn Jeobá. Yajné, Jeobá nezene derha ta rhonrha kuenda lhen kaʼ rzordarha (Hebreos 4:13). Katiʼ rnherha talí, leʼ rhekebene lhen rsákeʼ. Lo Xhtidzeʼ rnhe: «Jeobá rlenheziʼ beneʼ rziʼkeyee, sanlhe rzueʼ gagodzo lhen ka beneʼ rnheke talí» (Proverbios 3:32).
2. Kanho ga rhala inherha talí
Gonrha ta rheenhe Jeobá nuanacheʼ «be siʼnerhayee lezaarha toyitorha» (Zacarías 8:16, 17). Bi rhenheinhe taní. Rnherha talí, ku rzieʼrhayee ka diadza kierha, xhkomparha rhonlhenrha chhin, beneʼ bichirha lhenka beneʼ rnhebhekeʼ. Beneʼ rnheke talí ku rbanke nika rziʼkeyee (blaba Proverbios 24:28 lhen Efesios 4:28). Lhezekan rguixhajke impuesto (Romanos 13:5-7). Ni chi btzalajrha kanho ga ku rhala siʼrhayee, lheʼ rzelachhirha «inherha talí batatheze» (Hebreos 13:18).
3. Bi banheza siʼrha cheʼ inherha talí
Katiʼ nezeke rnherha talí, rxhenláchhike rhoʼo. Kan rdaʼ nianaarha na lo congregación kueʼ chhiaʼ lhen uxhenláchhi lezaarha toyitorha kase rhaka to lo familia. Lhezekan rzua chhiaʼ yikiajlorha. Katiʼ rnherha talí rhonrha na inaʼ lachidiʼ «ta rseedie rhoʼo Dios kierha», lhen wazeke gonrha yodarhi na yezikalha beneʼ yeenkene tzeanelachhike Jeobá (Tito 2:10).
KSEEDIRHA MÁSRHE KI TANÍ
Ni uyorha nákaʼ rzua rhoʼo másrhe gago lhen Jeobá tan inherha talí lhen nákaʼ wazeke inherha talí batatheze.
4. Jeobá rheyolachhie beneʼ rnheke talí
Le ulaba Salmo 44:21 lhen Malaquías 3:16, na le ktzalaj ki taní:
-
A rhekelho napa kuenda siʼrhayee. Bixhkieʼ rnhelho kan.
-
Nákaʼ rzua Jeobá katiʼ rnherha talí nikla be rhon yolaj.
Katiʼ xhkuidiʼ rnhekabi talí, xhozixhnakabi rzuake yatzayolaj. Katiʼ rhoʼo rnherha talí, rzuarha yatzayolaj Jeobá.
5. Doinhe talí yogoniaʼ
Bene zian rhonke kuenda balania waka siʼrhayee, sanlhe rhoʼo yogoniaʼ rhala inherha talí. Byo bixhkieʼ rhala gonrha kan. Le uyo VIDEO.
Le ulaba Hebreos 13:18 na le ktzalaj nákaʼ waka inherha talí...
-
... lhenka diadza kierha.
-
... lo chhin o lo skuelha.
-
... galha.
6. Rziʼrha banheza katiʼ rnherha talí
Nakalha waparha tazeedi tan be siʼrhayee, sanlhe nakarhe chhiaʼ inherha talí. Le ulaba Salmo 34:12-16 na le ktzalaj ki taní:
-
Bi banheza siʼrha cheʼ inherha talí.
-
Katiʼ beneʼ notzaganake ku rziʼkeyee lezaake, rzuakarhe chhiaʼ lhen yatzayolaj.
-
Katiʼ to beneʼ rneʼ talí lo chhin kieʼ, xhanheʼ rxhenláchhie leʼ.
-
Katiʼ beneʼ yechhi rnheke talí beneʼ rnhebhekeʼ rtzalajke chhiaʼ kieke.
BALAKEʼ RNHEKE: «Kubidiagon cheʼ siayee».
-
A rhekelho Jeobá rlenheziʼ cheʼ siʼrhayee. Bixhkieʼ rhonloʼ kuenda kan.
TA CHI BYEDIERHA
Jeobá rheenheneʼ beneʼ rheanelachhike leʼ inheke talí batatheze lhen gatheze.
A rhanelho
-
Kanho ga rhala inherha talí.
-
Bixhkieʼ be napa kuenda siʼrhayee.
-
Bixhkieʼ rheenhelo inhelho talí batatheze.
BYEDIE MÁSRHE
Nákaʼ wazeke xhozixhnaxhkuidiʼ kseediekene bin kieke inhekabi talí.
Bi banheza siʼ beneʼ rhonke ta chi bkiebike.
Byedie cheʼ rhala kixhajrha impuesto nikla be rzenke chhiaʼ domiʼ rderha.
«A rhala kixhajlo impuesto» (La Atalaya, 1 ki septiembre ki 2011)
Bi bhen yodarhi to beneʼ gban na ktzeʼ kaʼ rhonhe lhen ineʼ talí.
«Byedieda Jeobá nakeʼ beneʼ wen lhen rzixhenheʼ kierha» (La Atalaya, 1 ki mayo ki 2015)
