Nabé nagana para guibani binni yanna pur ca dxiiñaʼ rúnicaʼ guiráʼ dxi. Runíticaʼ stale tiempu ne nabé ridxágacaʼ para gápacaʼ ca cosa sticaʼ ne zaqueca ora chisicaʼ, ora chitíxecaʼ, ne ora riquiiñecaʼ xiixa. Casi Jesús la? qué niquiiñeʼ diʼ stale cosa risaca para nibaniné, ngue runi qué ñuu xiixa ni nucueeza laa de nucheeche diidxaʼ (Mt 8:20).

Lii yaʼ. Ñee ñanda niquiiñeluʼ huaxiéʼ cosa risaca para nibániluʼ ti ñápaluʼ jma tiempu nucheecheluʼ diidxaʼ la? Pa quixheʼ chaahuiʼ tuuxa modo nabani la? zándaca ziuu tuuxa de familia stiʼ ganda gacaʼ precursor. Ne pa maʼ precursor lii, ñee maʼ bidiiluʼ cuenta chaahuiʼ chaahuiʼ jma maʼ nagana cayaca para lii guibániluʼ pur ca cosa risaca ni nápaluʼ la? Pa cayúniluʼ xhiiñaʼ Jiobá ne cadi caquiiñeluʼ stale cosa risaca la? zadxátipa ladxidoʼloʼ ne ziuuluʼ nayecheʼ (1Ti 6:7-9).

Bicaa xi zanda gúniluʼ para guibániluʼ sin gápaluʼ stale cosa risaca.