Bix jeʼel a aktáantik le túuntajiloʼoboʼ
Utiaʼal xiʼipalaloʼob yéetel chʼúupalaloʼob
Bix jeʼel a aktáantik le túuntajiloʼoboʼ
JOSÉ (YÁAX JAATS)
Beet lelaʼ: Kaxt junpʼéel maʼalob kúuchil utiaʼal u páajtal a xook. Le táan a xokik le tekstoʼoboʼ tukult táan a wilik le baʼax ku yúuchloʼ, tukult táan a wuʼuyik bix u tʼaan le máakoʼoboʼ yéetel tukult bix u yuʼubikubaʼob.
Yaan u chʼaʼchiʼitaʼal: José yéetel u yatan Potifar.
Tiʼ baʼax kun tʼaan: Joseeʼ maʼ tu yóotik yantal baʼax u yil yéetel u yatan Potifar.
1 TUKULT LE BAʼAX ÚUCHAʼ (XOK GÉNESIS 39:1-12).
Aʼal bix a tuklik u yotoch Potifar kaʼachi.
․․․․․
¿Bix a tuklik u wíinklil José kaʼachi? (Utiaʼal a wojéeltikeʼ: Xok tu kaʼatéen le versículo 6.)
․․․․․
Xok tu kaʼatéen le versículo 8 yéetel 9. ¿Bix a tuklik tʼaʼanik u yatan Potifar tumen José?
․․․․․
2 KAN U MAASIL.
¿Maʼ xaaneʼ baʼax a tuklik jeʼel u beetik kaʼach u luubul José tiʼ baʼax kʼaaseʼ? (Utiaʼal a wojéeltikeʼ: Xok Filiposiloʼob 2:12 yéetel tuukulnen tiʼ le baʼax úuch tiʼ Joseoʼ. ¿Tuʼux yaan kaʼach u láakʼtsiloʼob yéetel le uláakʼ máaxoʼob meyajtik Jéeoba teʼ kʼiinoʼoboʼ?)
․․․․․
¿Baʼaxten a tuklik jach kʼeban tu yilil José u lúubul máak tiʼ núupkʼeban wa minaʼan kaʼach junpʼéel ley tuʼux ku yaʼalik maʼ maʼalob u yilik Diosiʼ? (Utiaʼal a wojéeltikeʼ: Xok yéetel tuukulnen tiʼ le tekstoʼobaʼ: Génesis 2:24; 12:17, 18; Romailoʼob 2:14, 15, yéetel Hebreob 5:14.)
․․․․․
3 JÓOʼS U YUTSIL LE BAʼAX TA XOKOʼ. TSʼÍIBT BAʼAX TA KANAJ TU YOʼOLAL . . .
... bix jeʼel u yáantkech a controlartkaba utiaʼal maʼ a mixbaʼalkúuntaʼal tumen mix máakoʼ.
․․․․․
... le utsiloʼob ku taasik a wuʼuyik u tʼaan Dios tiʼ baʼaxoʼob yaan yil yéetel le núupkʼebanoʼ.
․․․․․
... u kʼaʼabéetil a kanik a wil baʼax uts yéetel baʼax kʼaas (Hebreob 5:14).
․․․․․
TSʼÁA ICHIL A KUXTAL.
¿Baʼaxoʼob unaj a wutskíintik ichil a kuxtal wa maʼ a kʼáat lúubul tiʼ núupkʼebaniʼ? (Utiaʼal a wojéeltikeʼ: Xok yéetel tuukulnen tiʼ le tekstoʼobaʼ: Job 31:1; Salmo 119:37, yéetel Efesoiloʼob 5:3, 4.)
․․․․․
4 ¿BAʼAX MAAS UTSCHAJ TA WICH TIʼ LE TSIKBALILAʼ, YÉETEL BAʼAXTEN?
․․․․․
¿MINAʼAN WA A BIBLIA? WA MINAʼANEʼ KʼÁAT JUNPʼÉEL TIʼ U J-JAAJKUNAJOʼOB JÉEOBA WA XOK TIʼ www.watchtower.org/s
