Kʼaay 10
«¡Túuxteniʼ! Jeʼel in bineʼ»
1. Bejlaʼeʼ yaʼab máax ku tʼaan jach kʼaas
tiʼu kiʼichkelem kʼaabaʼ Jéeoba.
«Kʼasaʼan, minaʼan u páajtalil»
yéetel «minaʼan Dios» kiaʼakoʼob xan.
¿Máax ken u yaʼal u jaajil tiʼob?
¿Máax kun nojbeʼenkúunskech, Jéeoba?
«Way yanen teneʼ, túuxteniʼ.
Teneʼ yaan in nojbeʼenkúunskech.
(CORO)
Minaʼan uláakʼ meyaj maas maʼalob.
¡Túuxteniʼ! Jeʼel in bineʼ.»
2. Kiaʼakoʼob xaneʼ tsʼu xáantal Dios;
mu chʼaʼamoʼob saajkil tiʼ letiʼiʼ.
Ku adorartkoʼob beetbil dios;
mu yojloʼob xan u jaajiliʼ.
¿Máax ken u kʼaʼayt a xuʼulsajil?
¿Máax kun aʼak baʼax ku taal u kʼiin?
«Way yanen teneʼ, túuxteniʼ.
Mix baʼal kun sajakkúunsiken.
(CORO)
Minaʼan uláakʼ meyaj maas maʼalob.
¡Túuxteniʼ! Jeʼel in bineʼ.»
3. Yaʼab máaxoʼob jach ku muʼyajoʼob
yoʼolal le baʼaxoʼob kʼaastakoʼ.
Le máakoʼobaʼ taak u kaxtkoʼob
le jaajil kiʼimak óolaloʼ.
¿Máax ken u yáant le máax utsoʼ?
¿Máax ken u beet u líikʼil yóol?
«Way yanen teneʼ, túuxteniʼ.
Teneʼ jach jeʼel in wáantkoʼobeʼ.
(CORO)
Minaʼan uláakʼ meyaj maas maʼalob.
¡Túuxteniʼ! Jeʼel in bineʼ.»
(Ilaʼak xan Sal. 10:4; Eze. 9:4.)
